കണ്ണൂര്: തലശേരി നഗരത്തിനടുത്തുള്ള സിപിഎം ഓഫീസ് അടിച്ചു തകര്ത്ത് എസ് ഡിപിഐ. സൈദാര്പള്ളിക്കടുത്തുള്ള സിപിഎം ബ്രാഞ്ച് ഓഫീസാണ് അടിച്ചു തകര്ത്തത്.
വെള്ളിയാഴ്ച പുലര്ച്ചെയായിരുന്നു ആക്രമണം. സംഭവത്തില് ഗോപാലപ്പേട്ട തിരുവാണി ഭഗവതി ക്ഷേത്രത്തിന് സമീപത്തുള്ള ബൈത്തൂല് ഉമൈബാനില് നഫീലിനെ അറസ്റ്റ് ചെയ്തു. തലശേരി മത്സ്യമാര്ക്കറ്റിന് സമീപം വെച്ചാണഅ തലശേരി ടൗണ് പൊലീസ് അറസ്റ്റ് ചെയ്തത്.
ടി.സി ഉമ്മര് സ്മാരകമന്ദിരം എന്നറിയപ്പെടുന്ന സിപിഎം ഓഫീസിനുള്ളില് കയറി മേശയും കസേരകളും കാരംസ് ബോര്ഡും മറ്റും പ്രതി നഫീല് അടിച്ചു തകര്ത്തിരുന്നു. സിപിഎം-എസ് ഡിപിഐ രാഷ്ട്രീയ സംഘര്ഷം നിലനില്ക്കുന്നപ്രദേശമാണ് സൈദാര് പള്ളി. പ്രദേശം. സിപിഎമ്മില് നിന്നും എന്ഡിഎഫിലേക്ക് മാറിയ മുഹമ്മദ് ഫസല് വര്ഷങ്ങള്ക്ക് മുന്പ് സിപിഎം ആക്രമണത്തില് ഒരു പെരുന്നാള് ദിനത്തില് കൊല്ലപ്പെട്ടിരുന്നു. ഈ കൊലപാതകത്തില് കാരായി രാജന്, കാരായി ചന്ദ്രശേഖരന് എന്നിവരെ പൊലീസ് ഗൂഡാലോചനക്കുറ്റത്തിന്റെ പേരില് അറസ്റ്റ് ചെയ്തിരുന്നു.
