കൊച്ചി : ഐ എസ് എല്‍ പുതിയ സീസണായി തയാറെടുക്കുന്ന കേരള ബ്ലാസ്റ്റേഴ്സ് എഫ്സി വിദേശ മുന്നേറ്റ താരത്തെ ടീമിലെത്തിക്കാനുളള ശ്രമത്തിലാണ്. ഡൊമിനിക്കന്‍ റിപ്പബ്ലിക് മുന്നേറ്റ താരം ഡോണി റൊമേറോയെ ടീമിലെത്തിക്കാനാണ് കേരള ബ്ലാസ്റ്റേഴ്സ് ശ്രമിക്കുന്നതെന്നാണ് റിപ്പോര്‍ട്ടുകള്‍.
25-കാരനായ ഡോണി റൊമേറോ നിലവില്‍ ബൊളീവിയന്‍ ടീമായ ആള്‍വേസ് റെഡിയിലാണ് കളിക്കുന്നത്. ഡൊമിനിക്കന്‍ റിപ്പബ്ലിക്കിലെ എല്‍ സീബോയില്‍ നിന്നുള്ള താരമാണ്.
എല്‍ സീബോയിലെ യൂത്ത് സിസ്റ്റത്തില്‍ താരം 2012 മുതല്‍ 2017വരെ കളിച്ചിരുന്നു. 2021-ല്‍ റിയല്‍ സാന്താക്രൂസില്‍ ചേക്കേറിയ താരം 51 മത്സരങ്ങളില്‍ നിന്ന് 17 ഗോളുകള്‍ നേടി. ഡൊമിനിക്കന്‍ റിപ്പബ്ലിക്ക് ദേശീയ ടീമില്‍ 2019ല്‍ അരങ്ങേറിയ താരം രാജ്യത്തിനായി 23 മത്സരങ്ങളില്‍ നിന്ന് ആറ് ഗോളുകള്‍ നേടി.
പ്രതികരിക്കാൻ ഇവിടെ എഴുതുക: