റാഞ്ചി: ഫെഡറേഷന് കപ്പ് ദേശീയ സീനിയര് അത്ലറ്റിക്സ് ചാംപ്യന്ഷിപില് 10,000 മീറ്ററില് ഉത്തര്പ്രദേശിന്റെ ഗുല്വീര് സിംഗും മഹാരാഷ്ട്രയുടെ സഞ്ജീവനി ജാദവും യഥാക്രമം പുരുഷ വനിതാ വിഭാഗങ്ങളില് സ്വര്ണം നേടി. ഏഷ്യന് ചാമ്പ്യന്ഷിപ്പ് യോഗ്യതാ സമയം 29:30 ആയിരിക്കെ 29:05.90 ന് 10000 മീറ്റര് പൂര്ത്തിയാക്കിയ ഗുല്വീര് ഏഷ്യാഡഡിന് യോഗ്യത നേടി. സഞ്ജീവനി ജാദവ് 10,000 മീറ്ററില് 33:32.73 സമയത്തിലാണ് ഓടിയെത്തിയത്. എന്നാല് ഏഷ്യന് ചാമ്പ്യന്ഷിപ്പ് യോഗ്യതാ സമയം 33 .00 എത്താനായില്ല. ലോക അത്ലറ്റിക്സ് ചാംപ്യന്ഷിപ്, ഏഷ്യന് ഗെയിംസ് എന്നീ രാജ്യാന്തര മത്സരങ്ങള്ക്കുള്ള യോഗ്യതാ മാര്ക്ക് പിന്നിടുകയാണ ലക്ഷത്തോടെ 575 താരങ്ങളാണ് ഇത്തവണ ഫെഡറേഷന് കപ്പില് മത്സരിക്കുന്നത്.
കോമണ്വെല്ത്ത് ഗെയിംസ് ട്രിപ്പിള് ജംപില് വെള്ളി നേടിയ അബ്ദുല്ല അബൂബക്കര്, ജാവലിന്ത്രോയില് വെങ്കലം നേടിയ അന്നു റാണി, ഏഷ്യന് ഗെയിംസ് സ്വര്ണ മെഡല് ജേതാക്കളായ ജിന്സന് ജോണ്സന് (1500 മീറ്റര്), അര്പീന്ദര് സിങ് (ട്രിപ്പിള് ജംപ്), തേജീന്ദര് സിങ് പാല് (ഷോട്പുട്) എന്നിവരാണ് മത്സരക്കളത്തിലെ പ്രമുഖര്
