തൃശ്ശൂര്‍: സംസ്‌കൃതഭാഷാ പണ്ഡിതനും സാഹിത്യകാരനുമായിരുന്ന അശോകന്‍ പുറനാട്ടുകരയുടെ സ്മരണയ്‌ക്ക് ഏര്‍പ്പെടുത്തിയ ഭാരതമുദ്ര പുരസ്‌കാരം സാഹിത്യ അക്കാദമിയില്‍ നടന്ന അനുസ്മരണ സമ്മേളനത്തില്‍ സ്വാമി സ്വപ്രഭാനന്ദയ്ക്ക് തേറമ്പില്‍ രാമകൃഷ്ണന്‍ സമര്‍പ്പിച്ചു. ജ്ഞാനകര്‍മ്മയോഗങ്ങളുടെ സമന്വയമാവണം സാമൂഹ്യസേവനം എന്നും അത്തരം സേവനങ്ങള്‍ക്കായുള്ള കാണിക്കയാണ് ഈ പുരസ്‌കാരമെന്നും തേറമ്പില്‍ രാമകൃഷ്ണന്‍ അഭിപ്രായപ്പെട്ടു. ഗുരുവായൂര്‍ ദേവസ്വം ബോര്‍ഡ് ചെയര്‍മാന്‍ ഡോ.വി.കെ. വിജയന്‍ ഉദ്ഘാടനം ചെയ്ത സമ്മേളനത്തില്‍ കേരള ഇലക്ട്രിക്കല്‍ ആന്‍ഡ് അലൈഡ് പബ്ലിക് ലിമിറ്റഡ് ചെയര്‍മാന്‍ പി.കെ. രാജന്‍ അധ്യക്ഷത വഹിച്ചു.
സ്വാമി സ്വപ്രഭാനന്ദ പുരസ്‌കാരം സ്വീകരിച്ച് അനുഗ്രഹപ്രഭാഷണം നടത്തി. കേരള കലാമണ്ഡലം രജിസ്ട്രാര്‍ ഡോ.പി. രാജേഷ് കുമാര്‍, തിരുവനന്തപുരം സംസ്‌കൃത കോളേജ് വേദാന്ത വിഭാഗം മേധാവി ഡോ.പി.വി. ശ്രീനിവാസന്‍. ഡോ.എസ്. എന്‍. മഹേഷ് ബാബു, ആര്‍. നന്ദകിഷോര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: