മുംബയ് : ഐ പി എല് ക്രിക്കറ്റില് ഇന്ന് മുംബൈ ഇന്ത്യന്സ് ബാംഗ്ലൂര് റോയല് ചലഞ്ചേഴ്സിനെ നേരിടും. വൈകിട്ട് 7.30ന് മുംബയിലെ വാങ്കഡെ സ്റ്റേഡിയത്തിലാണ് മത്സരം.
അതേസമയം കഴിഞ്ഞ രാത്രി കൊല്ക്കത്തയിലെ ഈഡന് ഗാര്ഡന്സില് നടന്ന മത്സരത്തില് കൊല്ക്കത്ത നൈറ്റ് റൈഡേഴ്സ് പഞ്ചാബ് കിംഗ്സിനെ അഞ്ച് വിക്കറ്റിന് പരാജയപ്പെടുത്തി. പഞ്ചാബ് കിംഗ് സ് ഉയര്ത്തിയ 180 റണ്സ് വിജയലക്ഷ്യം പിന്തുടര്ന്ന കൊല്ക്കത്ത നൈറ്റ് റൈഡേഴ്സ് 20 ഓവറില് അഞ്ച് വിക്കറ്റ് നഷ്ടത്തില് 182 റണ്സെടുത്തു.
കൊല്ക്കത്ത നൈറ്റ് റൈഡേഴ്സിനായി ക്യാപ്റ്റന് നിതീഷ് റാണ 51 റണ്സെടുത്തപ്പോള് ആന്ദ്രെ റസല് 23 പന്തില് 42 റണ്സും റിങ്കു സിംഗ് 10 പന്തില് 21 റണ്സും നേടി.റസ്സലിനെ കളിയിലെ താരമായി തിരഞ്ഞെടുത്തു. നേരത്തെ ടോസ് നേടിയ പഞ്ചാബ് കിംഗ്സ് ബാറ്റിംഗ് തിരഞ്ഞെടുക്കുകയായിരുന്നു. ആദ്യം ബാറ്റ് ചെയ്ത പഞ്ചാബ് കിംഗ്സ് നിശ്ചിത 20 ഓവറില് 7 വിക്കറ്റ് നഷ്ടത്തില് 179 റണ്സെടുത്തു.
