കൊച്ചി: പ്രണയം നടിച്ച് യുവതികളെ മതംമാറ്റി ഭീകരസംഘടന ഐഎസിലേക്ക് എത്തിക്കുന്നതിന്റെ കഥ വിവരിക്കുന്ന ബോളിവുഡ് ചിത്രം കേരള സ്റ്റോറിയുടെ പ്രദര്ശനം തടയണമെന്ന ഹര്ജിയില് വിമര്ശനവുമായി ഹൈക്കോടതി. നിയമപരമായ എല്ലാ സെന്സറിങ്ങും കഴിഞ്ഞ് എത്തിയ ഒരു ചിത്രത്തെ എങ്ങനെ തടയാന് ആകുമെന്ന് കോടതി ചോദിച്ചു.
കേരള സ്റ്റോറി ചരിത്രപരമായ ചിത്രമല്ലല്ലോ എന്നും മതേതരസ്വഭാവമുള്ള കേരള സമൂഹം ചിത്രത്തെ സ്വീകരിച്ചോളുമെന്നും ഹൈക്കോടതി നിരീക്ഷിച്ചു. ചിത്രം പ്രദര്ശിപ്പിച്ചാല് ഒന്നും സംഭവിക്കാന് പോകുന്നില്ലെന്നും കോടതി പറഞ്ഞു. ചിത്രം തടയണമെന്ന് ഹര്ജിയില് വാദം തുടരുകയാണ്.
