മാഞ്ചസ്റ്റര്‍: ഇംഗ്ലീഷ് പ്രീമിയര്‍ ലീഗില്‍ കിരീടത്തിനായി ഇഞ്ചോടിഞ്ച് പോരാട്ടം. നിലവില്‍ പോയന്റ് പട്ടികയിലെ ഒന്നാം സ്ഥാനക്കാരായ ആഴ്‌സണലും രണ്ടാം സ്ഥാനക്കാരായ മാഞ്ചസ്റ്റര്‍ സിറ്റിയും തമ്മിലുള്ള സൂപ്പര്‍ പോരാട്ടത്തില്‍ സിറ്റി ഒന്നിനെതിരെ നാലു ഗോളുകള്‍ക്ക് ആഴ്‌സണലിനെ തകര്‍ത്തുവിട്ടു. കെവിന്‍ ഡിബ്രൂയിനെ ഇരട്ട ഗോള്‍ നേടിയപ്പോള്‍ ജോണ്‍ സ്‌റ്റോണ്‍സ്, എര്‍ലിംഗ് ഹാലണ്ട എന്നിവര്‍ സിറ്റിയുടെ ഗോള്‍ പട്ടിക തികച്ചു.റോബ് ഹോള്‍ഡിങിന്റെ വകയായിരുന്നു ആഴ്‌സണലിന്റെ ആശ്വാസഗോള്‍.
തോറ്റെങ്കിലും 33 കളികളില്‍ 75 പോയന്റുമായി ആഴ്‌സണല്‍ തന്നെയാണ് പോയന്റ് പട്ടികയില്‍ ഇപ്പോഴും ഒന്നാം സ്ഥാനത്ത്. എന്നാല്‍ ആഴ്‌സണിലിനെക്കാള്‍ രണ്ട് മത്സരം കുറച്ചു കളിച്ച സിറ്റിക്ക് 31 കളികളില്‍ 73 പോയന്റുണ്ട്.
തോല്‍വിയോടെ സിറ്റിയുമായുള്ള പോയന്റ് വ്യത്യാസം അഞ്ചില്‍ നിന്ന് രണ്ടായി കുറഞ്ഞത് രണ്ട് പതിറ്റാണ്ടിനിടയിലെ ആദ്യ പ്രീമിയര്‍ ലീഗ് കിരീടം ലക്ഷ്യമിടുന്ന ആഴ്‌സണലിന് കനത്ത തിരിച്ചടിയാണ്.ഏഴാം മിനിറ്റില്‍ ഡിബ്രൂയിനെയിലൂടെയാണ് സിറ്റി ഗോള്‍ വേട്ട തുടങ്ങിയത്. ആദ്യ പകുതിയുടെ ഇഞ്ചുറി ടൈമില്‍ ജോണ്‍ സ്‌റ്റോണ്‍സ് ലീഡ് രണ്ടാക്കി ഉയര്‍ത്തി. രണ്ടാം പകുതിയില്‍ 54ാം മിനിറ്റില്‍ ഡിബ്രൂയിനെ തന്റെ രണ്ടാം ഗോളും നേടി സിറ്റിയുടെ ജയമുറപ്പിച്ചു. 86ാം മിനിറ്റില്‍ റോബ് ഹോള്‍ഡിംഗ് ഒരു ഗോള്‍ തിരിച്ചടിച്ചെങ്കിലും കളി തീരാന്‍ സെക്കന്‍ഡുകള്‍ ബാക്കിയിരിക്കെ എര്‍ലിംഗ് ഹാലണ്ട് ജയം ഉറപ്പിച്ചു.
സീസണില്‍ 38 മത്സരങ്ങള്‍ ആയതിനുശേഷം ഒരു സീസണില്‍ ഏറ്റവും കൂടുതല്‍ ഗോള്‍ നേടുന്ന കളിക്കാരന്‍ എന്ന നേട്ടമാണ് ഹാലണ്ട് കരസ്ഥമാക്കിയത്. 2022 2023 പ്രീമിയര്‍ ലീഗ് സീസണില്‍ എര്‍ലിംഗ് ഹാലണ്ടിന്റെ ഗോള്‍ നേട്ടം 33 ല്‍ എത്തി. 2017 2018 സീസണില്‍ ലിവര്‍പൂളിന്റെ ഈജിപ്ഷ്യന്‍ സ്‌്രൈടക്കര്‍ മുഹമ്മദ് സല നേടിയ 32 ഗോള്‍ എന്ന റിക്കാര്‍ഡ് ആണ് എര്‍ലിംഗ് ഹാലണ്ട് തകര്‍ത്തത്.2022 2023 പ്രീമിയര്‍ ലീഗ് സീസണില്‍ എര്‍ലിംഗ് ഹാലണ്ടിന്റെ ഗോള്‍ നേട്ടം 33 ല്‍ എത്തി. 2017 2018 സീസണില്‍ ലിവര്‍പൂളിന്റെ ഈജിപ്ഷ്യന്‍ സ്‌്രൈടക്കര്‍ മുഹമ്മദ് സല നേടിയ 32 ഗോള്‍ എന്ന റിക്കാര്‍ഡ് ആണ് എര്‍ലിംഗ് ഹാലണ്ട് തകര്‍ത്തത്.
മാഞ്ചസ്റ്റര്‍ സിറ്റി എഫ് സി യോട് നേരിട്ട തോല്‍വി ആഴ്‌സണല്‍ എഫ് സി യുടെ ഒന്നാം സ്ഥാനത്തിനു കനത്ത ഭീഷണി ആയി. 33 മത്സരങ്ങളില്‍ നിന്ന് 75 പോയിന്റുമായി ആഴ്‌സണല്‍ എഫ് സി ഒന്നാം സ്ഥാനത്തുണ്ട്. എന്നാല്‍, 31 മത്സരങ്ങളില്‍ 73 പോയിന്റുമായി ആണ് മാഞ്ചസ്റ്റര്‍ സിറ്റി എഫ് സി രണ്ടാം സ്ഥാനത്തുള്ളത്. രണ്ട് മത്സരത്തിന്റെ അഡ്വാന്‍സ് മാഞ്ചസ്റ്റര്‍ സിറ്റി എഫ് സിക്ക് ഉണ്ട് എന്നു ചുരുക്കം. ന്യൂകാസില്‍ യുണൈറ്റഡ് എഫ് സി (59 പോയിന്റ്), മാഞ്ചസ്റ്റര്‍ യുണൈറ്റഡ് എഫ് സി (59), ആസ്റ്റണ്‍ വില്ല (54), ലിവര്‍പൂള്‍ എഫ് സി (53 ) എന്നീ ടീമുകള്‍ ആണ് യഥാക്രമം മൂന്ന് മുതല്‍ ആറ് സ്ഥാനങ്ങളില്‍.
ജന്മഭൂമി ഓണ്‍ലൈന്‍