തൃശൂര്: പൂരദിനത്തോടനുബന്ധിച്ച് തൃശൂര് കോര്പ്പറേഷന് പരിധിയില് 48 മണിക്കൂര് മദ്യ നിരോധനം പ്രഖ്യാപിച്ച് ജില്ലാ കളക്ടര്. ഏപ്രില് 29ന് ഉച്ചയ്ക്ക് രണ്ടുമണി മുതല് മെയ് ഒന്നിന് ഉച്ചയ്ക്ക് രണ്ടുമണിവരെയാണ് എല്ലാ മദ്യശാലകളും അടച്ചിടാനും മറ്റു ലഹരി വസ്തുക്കളുടെ വിതരണവും വില്പനയും നിരോധിച്ചുകൊണ്ടും ജില്ലാ കളക്ടര് വിആര് കൃഷ്ണ തേജ ഉത്തരവിട്ടത്.
അതേസമയം 29ന് ഉച്ചയ്ക്ക് 1.30 മുതല് 3.15 വരെ നടത്തുന്ന ഡിഗ്രി ലെവല് പ്രാഥമിക പിഎസ്സി പൊതു പരീക്ഷയ്ക്ക് തൃശൂര് ജില്ലയില് പരീക്ഷാകേന്ദ്രം ലഭിച്ച ഉദ്യോഗാര്ത്ഥികള് പൂരത്തിന്റെ തിരക്കും ഗതാഗതക്കുരുക്കും പരിഗണിച്ച് നേരത്തെ പരീക്ഷ കേന്ദ്രത്തിലെത്തിച്ചേരണം. വൈകി വരുന്ന ഉദ്യോഗാര്ത്ഥികളെ ഒരു കാരണവശാലും പരീക്ഷ എഴുതാന് അനുവദിക്കുന്നതല്ലെന്നും കെപിഎസ്സി ജില്ലാ ഓഫീസര് അറിയിച്ചു.
