കൊച്ചി : കളമശ്ശേരിയില് അനധികൃതമായി കൈമാറ്റം നടത്തിയ കുഞ്ഞിനെ തൃപ്പൂണിത്തുറ സ്വദേശികളായ ദമ്പതികള്ക്ക് തന്നെ കൈമാറി. കുഞ്ഞിനെ സ്വന്തം കുട്ടിയായാണ് വളര്ത്തിയത് വിട്ടു നല്കണമെന്ന തൃപ്പൂണിത്തുറ ദമ്പതികളുടെ ഹര്ജിയില് ഇടപെട്ടുകൊണ്ട് ഹൈക്കോടതി അറിയിച്ചതാണ് ഇക്കാര്യം.
കുഞ്ഞിന്റെ താത്കാലിക സംരക്ഷണം ഏറ്റെടുക്കാന് അനുവദിക്കണമെന്നാവശ്യപ്പെട്ടാണ് ദമ്പതികള് ഹര്ജി നല്കിയിരുന്നത്. കുഞ്ഞിനെ ദമ്പതികള്ക്ക് വിട്ടുകൊടുക്കാന് തയ്യാറാണെന്നും തങ്ങള്ക്ക് ഏറ്റെടുത്ത് സംരക്ഷിക്കാന് കഴിയില്ലെന്നും യഥാര്ത്ഥ അച്ഛനും അമ്മയും അറിയിച്ചിരുന്നു. തുടര്ന്ന് കുഞ്ഞിനെ കൈമാറുന്നതില് തീരുമാനം എടുക്കാന് ഹൈക്കോടതി സിഡബ്ല്യുസിയെ ചുമതലപ്പെടുത്തിയിരുന്നു.
