കൊച്ചി : മോഷ്ടാക്കളെ പിടികൂടാനുള്ള ശ്രമത്തിനിടെ പോലീസുകാരെ ബിയര് കുപ്പികൊണ്ട് കുത്തിപ്പരിക്കേല്പ്പിച്ച് രക്ഷപ്പെടാന് ശ്രമം.ഇടപ്പള്ളി പാലാരിവട്ടം ഭാഗത്തുവെച്ച് പ്രതികളെ പിടിക്കാനുള്ള ശ്രമത്തിലാണ് പോലീസുകാര്ക്ക് പരിക്കേറ്റത്.
ശനിയാഴ്ച രാവിലെയാണ് സംഭവം. ട്രാഫിക് എസ്ഐ അരുള്, എഎസ്ഐ റെജി എന്നിവര്ക്കാണ് പരിക്കേറ്റത്. തമിഴ്നാട് സ്വദേശികളായ സായ്രാജ്, പോള്കണ്ണന് എന്നിവര് രാവിലെ ബൈക്കിലെത്തി വീട്ടമ്മയുടെ മാല കവര്ന്നു. വീട്ടമ്മ ഇക്കാര്യം പോലീസിനെ അറിയിച്ചെങ്കിലും പ്രതികള് സഞ്ചരിച്ച ബൈക്കിന് നമ്പര് പ്ലേറ്റ് ഉണ്ടായിരുന്നില്ല. തുടര്ന്ന് സിസിടിവി ദൃശ്യങ്ങളുടെ അടിസ്ഥാനത്തില് പോലീസ് പ്രതികള്ക്കായി തെരച്ചില് നടത്തുകയായിരുന്നു.
കൂടാതെ പ്രതികളെ കുറിച്ചുള്ള വിവരം ട്രാഫിക് പോലീസിനുള്പ്പടെ വിവരവും കൈമാറി. ഇടപ്പള്ളിയില്നിന്നു പാലാരിവട്ടം ഭാഗത്തേക്ക് ബൈക്കില് പോകുകയായിരുന്ന പ്രതികളെ ട്രാഫിക് പോലീസ് തിരിച്ചറിഞ്ഞു. ഇവരെ പിടികൂടാന് ശ്രമിക്കുന്നതിനിടെ പ്രതികള് പോലീസിനെ ആക്രമിച്ച് കടന്നുകളയാന് ശ്രമിക്കുകയായിരുന്നു. പാലാരിവട്ടം പോലീസ് പ്രതികളെ പിടികൂടി.
