തിരുവനന്തപുരം: ശ്വാസകോശം ചുരുങ്ങുന്ന രോഗവുമായി മരണത്തോട് മല്ലിടുന്ന യുവാവിന്റെ ജീവന് രക്ഷിക്കാന് വേണം വെന്റിലേറ്റര്. അതിലേക്ക് സുമനസ്സുകളുടെ സഹായം തേടി ഭാര്യ. മലയം ചൂഴാറ്റുകോട്ട പെട്രോള് പമ്പിന് സമീപം തോപ്പില് പുത്തന്വീട്ടില് ഷാജി(42)യുടെ ജീവന് നിലര്ത്താന് ഭാര്യ നിഷയാണ് സുമനസ്സുകളുടെ സഹായം തേടുന്നത്. ശ്വാസകോശം ചുരുങ്ങുന്ന അവസ്ഥയില് ഷാജിക്ക് ജീവന് നിലനിര്ത്താന് വെന്റിലേറ്റര് അത്യാവശ്യമാണ്. എന്നാല് ഇത് വാങ്ങാനുള്ള സാമ്പത്തികശേഷി കുടുംബത്തിനില്ല. വെന്റിലേറ്ററിന്റെ സഹായമില്ലാതെ ഷാജിയുടെ ജീവന് നിലനിര്ത്താനും കഴിയില്ലെന്നതാണ് ദൗര്ഭാഗ്യം.
രണ്ടുവര്ഷം മുമ്പാണ് ഷാജിക്ക് ശ്വാസംമുട്ടല് അനുഭവപ്പെട്ടത്. മെഡിക്കല്കോളജ് ആശുപത്രിയിലെ വിശദപരിശോധനയിലാണ് ശ്വാസകോശം ചുരുങ്ങുന്നതായി കണ്ടെത്തിയത്. വിദഗ്ധചികിത്സ നല്കിയെങ്കിലും ഫലം കണ്ടില്ല. ഇനിയങ്ങോട്ടുള്ള ജീവിതത്തില് വെന്റിലേറ്ററില് കൂടി മാത്രമേ കൃത്യമായ ശ്വാസമെടുക്കാന് ഷാജിക്ക് കഴിയുകയുള്ളൂവെന്നാണ് ഡോക്ടര് പറഞ്ഞത്. ആശുപത്രിയില് അഡ്മിറ്റ് ചെയ്ത് വെന്റിലേറ്ററിന്റെ സഹായം നല്കുന്നതിന് പരിമിതിയുണ്ട്. ഇപ്പോള് ശ്വാസതടസ്സം കഠിനമാകുമ്പോള് ആശുപത്രിയിലെത്തിക്കുകയാണ് ചെയ്യുന്നത്. അന്തിമ തീരുമാനം ഡോക്ടര് പറഞ്ഞതോടെ എന്ത് ചെയ്യണമെന്ന് അറിയാത്ത അവസ്ഥയിലാണ് നിഷ.
വെന്റിലേറ്റര് സ്വന്തമായി വാങ്ങണമെങ്കില് ഒന്നര ലക്ഷത്തോളം രൂപ വേണ്ടി വരും. എന്നാല് കുടുംബത്തിന്റെ അവസ്ഥ വളരെ ദയനീയമാണ്. തയ്യല് തൊഴിലാളിയാണ് ഷാജി. കൂലിക്ക് തയ്യല്ക്കടയില്പ്പോയി കിട്ടുന്ന വരുമാനത്തിലാണ് രണ്ടുമക്കള് ഉള്പ്പെട്ട കുടുംബം കഴിഞ്ഞിരുന്നത്. ഷാജി രോഗിയായതോടെ നിഷ സൂപ്പര് മാര്ക്കറ്റില് ജോലിക്ക് പോകുന്നു. ഇവിടെ നിന്നും കിട്ടുന്ന വരുമാനത്തില് കുട്ടികളുടെ പഠനവും നിത്യചെലവുകളും നിര്വഹിക്കണം. തുച്ഛമായ വരുമാനത്തില് പ്രതിസന്ധി ഏറെയാണ്. നാട്ടുകാരായ ചിലരുടെ സഹായത്തിലാണ് ഇപ്പോള് ഷാജിയുടെ ചികിത്സ നടക്കുന്നത്. ഈ സാഹചര്യത്തില് വെന്റിലേറ്റര് സ്വന്തമായി വാങ്ങാനും നിഷയ്ക്ക് കഴിയില്ല. അതിനാലാണ് ഭര്ത്താവിന്റെ ജീവന് നിലനിര്ത്താന് വെന്റിലേറ്റര് വാങ്ങാന് സുമനസ്സുകളോട് നിഷ സഹായം തേടുന്നത്. ഇന്ത്യന് ഓവര്സീസ് ബാങ്ക് വിളവൂര്ക്കല് ശാഖയില് നിഷയുടെ പേരില് എസ്ബി അക്കൗണ്ട് ആരംഭിച്ചിട്ടുണ്ട്. നമ്പര് 121201000016127 ഐഎഫ്എസ് കോഡ് ഐഒബിഎ 0001212. ഗൂഗുള് പേ നമ്പര്- 9072936694.
