തിരുവനന്തപുരം : സ്വപ്ന സുരേഷ് വെളിപ്പെടുത്തിയ വിജേഷ് പിള്ളയെ അറിയില്ലെന്ന് പ്രതികരിച്ച് സിപിഎം സംസ്ഥാന സെക്രട്ടറി എം.വി. ഗോവിന്ദന്. സ്വപ്നയുടെ വെളിപ്പെടുത്തലുകളില് വിജയ് പിള്ള എന്നാണ് പറയുന്നത്. എന്നാല് അയാളുടെ പേര് വിജേഷ് പിള്ള എന്നാണ് കണ്ണൂരില് പിള്ളമാരിെല്ലന്നും എം.വി. ഗോവിന്ദന് മാസ്റ്റര് അറിയിച്ചു.
വിജേഷ് പിള്ള എന്നയാളെ തനിക്ക് യാതൊരു പരിചയവുമില്ല. കണ്ണൂര് ജില്ലയില് പിള്ളമാരില്ല, അവിടെ വന്ന് താമസിക്കുന്നവര് ആണെങ്കിലേയുള്ളൂ. ഇവര്ക്ക് എവിടെ നിന്നാണ് പിള്ളയെ കിട്ടിയതെന്ന് അറിയില്ല. പിന്നെ മനോരമ പത്രം പറയുന്നത് പിള്ളയല്ല വിജേഷ് കൊയിലേത്ത് ആണ് എന്നാണ്. ഈ വിജേഷ് കൊയിലേത്ത് എങ്ങനെയാണ് വിജേഷ് പിള്ളയായത്. എനിക്ക് ഈ പറയുന്ന ആളെ ഒരു പരിചയവുമില്ല.
സ്വപ്ന സുരേഷിന്റെ ആരോപണം മുഖവിലക്കെടുക്കുന്നില്ല. തിരക്കഥ തയ്യാറാക്കുമ്പോള് കെട്ടുറപ്പുള്ളത് വേണം. ആദ്യത്തെ മിനിറ്റില് തന്നെ പൊട്ടുന്ന തിരക്കഥയുണ്ടാക്കിയിട്ട് എന്ത് കാര്യം. സ്വപ്നയ്ക്ക് എതിരെ കേസ് കൊടുക്കാന് ധൈര്യമുണ്ടോ എന്നല്ലേ സുധാകരന് ചോദിച്ചത്. ആയിരം തവണ കേസ് കൊടുക്കും. ഇവരെയൊന്നും ആര്ക്കും പേടിയില്ല. ഇവരുടെയൊന്നും ശീട്ട് സര്ക്കാരിനും വേണ്ട, മുഖ്യമന്ത്രിക്കും വേണ്ട, കുടുംബത്തിനും വേണ്ട. എനിക്കും വേണ്ട. എന്തോ വലുത് പുറത്തു വരാനുണ്ട് എന്നാണല്ലോ. ഒന്നും വരാനില്ല. എല്ലാം വന്നു കഴിഞ്ഞുവെന്നായിരുന്നു സ്വപ്ന സുരേഷിന്റെ വെളിപ്പെടുത്തല്.
