തിരുവനന്തപുരം: ത്രിപുരയില്‍ ബിജെപി ഭരണം നിലനിര്‍ത്തിയതിനു പിന്നാലെ സോഷ്യല്‍ മീഡിയയില്‍ ട്രോളുകളും തമാശകളും വന്നു നിറയുകയാണ്. വോട്ടെണ്ണലിന്റെ ആദ്യഘട്ടത്തില്‍ ബിജെപി മുന്നേറുമ്പോഴും ത്രിപുരയില്‍ പ്രാദേശിക മാധ്യമങ്ങള്‍ പറയുന്നെന്ന് വ്യക്തമാക്കി പാര്‍ട്ടി ചാനലായ കൈരളിയില്‍ സിപിഎമ്മിന് വന്‍ മുന്നേറ്റം എന്ന തരത്തില്‍ വാര്‍ത്തകള്‍ സംപ്രേഷണം ചെയ്തിരുന്നു. പിന്നീട് ഇത് ട്രോളുകള്‍ ആയതോടെ പല വാര്‍ത്തകളും ഓണ്‍ലൈനില്‍ നിന്ന് പിന്‍വലിച്ചു.
ത്രിപുരയില്‍ ബിജെപി കേവല ഭൂരിപക്ഷം മറികടന്ന് ഭരണത്തിലേറിയതോടെ കൈരളി ടിവിയിലേക്കുള്ള ഒരു യുവാവിന്റെ ഫോണ്‍ വിളി സോഷ്യല്‍മീഡിയയില്‍ വൈറാലായാണ്. കൈരളി ന്യൂസ് അല്ലേ എന്ന യുവാവിന്റെ ചോദ്യത്തിന് റിസപ്ഷണിസ്റ്റിലായ പെണ്‍കുട്ടി അതേ എന്നു മറുപടി നല്‍കുന്നു. ഇലക്ഷന്‍ റിസള്‍ട്ട് ഒക്കെ കണ്ടു ത്രിപുരയിലെ കാര്യം കണ്ട് വിളിച്ചതാ എന്നു യുവാവ് പറയുമ്പോള്‍ അത് മനസിലാകാതെ പെണ്‍കുട്ടി എന്താണ് എന്ന് ചോദിക്കുന്നു. അപ്പോഴാണ് ഫോണ്‍ ചെയ്ത യുവാവ് അല്ല ഇന്ന് വല്യേട്ടന്‍ സിനിമ ഉണ്ടാകുമോ എന്ന് ചോദിക്കുന്നത്. ഇതുകേട്ട പെണ്‍കുട്ടി ചിരിക്കുന്നതും ഓഡിയോയില്‍ കേള്‍ക്കാം.
പ്രതികരിക്കാൻ ഇവിടെ എഴുതുക: