തിരുവനന്തപുരം : ഞായര്, തിങ്കള് ദിവസങ്ങളില് ട്രെയിന് ഗതാഗത നിയന്ത്രണം. തൃശൂര് പാളത്തില് അറ്റകുറ്റപ്പണി നടക്കുന്നതിനാലാണ് ഗതാഗത നിയന്ത്രണം ഏര്പ്പെടുത്തിയിരിക്കുന്നത്. തിരുവനന്തപുരം- കണ്ണൂര് ജനശതാബ്ദി, എറണാകുളം- ഷൊര്ണൂര് മെമു, എറണാകുളം- ഗുരുവായൂര് എക്സ്പ്രസുകള് ഞായറാഴ്ച ഉണ്ടാകില്ല. 27-നുള്ള കണ്ണൂര്- തിരുവനന്തപുരം ജനശതാബ്ദിയും റദ്ദാക്കിയിട്ടുണ്ട്.
കണ്ണൂര്-എറണാകുളം എക്സ്പ്രസ് 26ന് തൃശ്ശൂരില് യാത്ര അവസാനിപ്പിക്കും. തിരുവനന്തപുരം- ചെന്നൈ മെയില് 26ന് രാത്രി 8.43-ന് തൃശ്ശൂരില്നിന്നു യാത്ര പുറപ്പെടും. 26 ന് കന്യാകുമാരിയില്നിന്നു പുറപ്പെടേണ്ട ബെംഗളൂരു എക്സ്പ്രസ് രണ്ടു മണിക്കൂര് വൈകുമെന്നും റെയില്വേ അറിയിച്ചു. ട്രെയിനുകള് റദ്ദാക്കിയ സാഹചര്യത്തില് യാത്രക്കാര്ക്കായി കെഎസ്ആര്ടിസി കൂടുതല് ദീര്ഘദൂര സര്വീസുകള് ആരംഭിച്ചിട്ടുണ്ട്.
