പ്രേക്ഷക പ്രീതിയും നിരൂപകരുടെ പ്രശംസയും ഏറ്റു വാങ്ങിയ ചിത്രമാണ് ദുല്ഖര് സല്മാന് നായകനായ ചുപ്പ്. നെഗറ്റിവ് റോളില് ഉള്ള നായക പരിവേഷം ഗംഭീരമായി കൈകാര്യം ചെയ്ത ദുല്ഖര് പ്രേക്ഷക പ്രശംസ ഏറ്റു വാങ്ങിയിരുന്നു. ഇപ്പോഴിതാ ചുപ്പിലെ ഗംഭീര അഭിനയത്തിന് ദാദ സാഹിബ് ഫാല്ക്കേ ഇന്റര്നാഷണല് ഫിലിം ഫെസ്റ്റിവല് അവാര്ഡ് ചുപ്പിലെ നെഗറ്റീവ് റോളില് പ്രേക്ഷകരുടെ ഹൃദയം കീഴടക്കിയ നായകന് കരസ്ഥമാക്കി.
പാന് ഇന്ത്യന് സൂപ്പര് താരമായി വളര്ന്ന ദുല്ഖര് സല്മാന്റെ ഈ അവാര്ഡ് മലയാളികള്ക്ക് അഭിമാന മുഹൂര്ത്തം കൂടിയാണ്. മലയാളത്തിലെ അഭിനേതാക്കളുടെ ഇടയില് ആദ്യമായി ഈ അവാര്ഡ് ലഭിക്കുന്നത് ദുല്ഖര് സല്മാനാണ്. ഓണം റിലീസായി ദുല്ഖറിന്റെ മാസ്സ് ചിത്രം കിംഗ് ഓഫ് കൊത്ത റിലീസിനൊരുങ്ങുകയാണ്.
അതേസമയം ‘ഗംഗുഭായ് കത്യവാടി’യിലെ അഭിനയത്തിന് ആലിയ ഭട്ട് മികച്ച നടിക്കുള്ള പുരസ്കാരം നേടി. ‘ബ്രഹ്മാസ്ത്ര’യിലെ പ്രകടനത്തിന് രണ്ബീര് കപൂര് മികച്ച നടനുള്ള പുരസ്കാരവും നേടി. നടനും ചലച്ചിത്ര നിര്മ്മാതാവുമായ റിഷബ് ഷെട്ടിക്ക് ഏറ്റവും മികച്ച പ്രകടനത്തിനുള്ള അവാര്ഡ് (ഹിന്ദി) ലഭിച്ചു. പ്രദര്ശനത്തെ തുടര്ന്ന് ശ്രദ്ധനേടിയ ‘ദി കശ്മീര് ഫയല്സ്’ മികച്ച ചിത്രമായി തിരഞ്ഞെടുക്കപ്പെട്ടു. ഈ വര്ഷത്തെ ഏറ്റവും മികച്ച നടനുള്ള അവാര്ഡ് അനുപം ഖേറിനും ലഭിച്ചു.
