ഇന്ത്യയില്‍ ആദ്യമായി സെറിബ്രല്‍ പാള്‍സി രോഗം ബാധിച്ച രാഗേഷ് കൃഷ്ണന്‍ കുരമ്പാല സിനിമാ സംവിധായകനായി അരങ്ങേറുന്നു. പന്തളം സ്വദേശിയായ രാഗേഷ് കൃഷ്ണന്‍ കുരമ്പാല രചനയും സംവിധാനവും നിര്‍വ്വഹിച്ച കളം എന്ന ചിത്രത്തിന്റെ ചിത്രീകരണം പന്തളത്തും പരിസരങ്ങളിലുമായി ചിത്രീകരണം പൂര്‍ത്തിയായി. സിനി ഹൗസിന്റെ ബാനറില്‍ നിര്‍മ്മിച്ച കളം ,ഫാന്റസിയും ഡ്രാമയും മിക്‌സ് ചെയ്ത വ്യത്യസ്തമായ സസ്‌പെന്‍സ് ത്രില്ലര്‍ ചിത്രമാണന്ന് രാഗേഷ് കൃഷ്ണന്‍ കുരമ്പാല പറയുന്നു.
2010 – മുതല്‍ കലാരംഗത്ത് സജീവമായ രാഗേഷ്, അഞ്ചോളം ആല്‍ബങ്ങളും, മൂന്ന് ഷോര്‍ട്ട് ഫിലിമുകളും സംവിധാനം ചെയ്തിരുന്നു .മൗനം പോലെ എന്ന ആല്‍ബത്തിന് കപ്പ ടി.വി മ്യൂസിക് അവാര്‍ഡ് ലഭിച്ചിരുന്നു. കളം നിര്‍മ്മിക്കാന്‍ രാഗേഷ് സ്വന്തമായൊരു ക്യാമറ യൂണീറ്റ് വാങ്ങിയിരുന്നു. മികച്ച സാങ്കേതിക പ്രവര്‍ത്തകരെ അണിനിരത്തിയാണ് രാഗേഷ് കളം ഒരുക്കുന്നത്.
വിനോദ്, ശാലിനി ദമ്പതികളുടെ ജീവിതത്തില്‍, അവര്‍ പോലും അറിയാതെ കടന്നു വരുന്ന ചില ഞെട്ടിപ്പിക്കുന്ന സംഭവങ്ങള്‍ അവതരിപ്പിക്കുകയാണ് കളം എന്ന ചിത്രം. വിനോദിന്റെയും, ശാലിനിയുടെയും ജീവിതത്തിലേക്ക്, ഒരു ദിവസം, ഡോ.സോനു, അഞ്ജലി ദമ്പതികള്‍ കടന്നു വരുന്നു.തുടര്‍ന്നുണ്ടാകുന്ന ഞെട്ടിപ്പിക്കുന്ന സംഭവങ്ങള്‍ കളം എന്ന ചിത്രത്തെ വ്യത്യസ്തമായൊരു അനുഭവമാക്കുന്നു.
വിനോദ് ആയി അങ്കിത് ജോര്‍ജ് അലക്‌സും ,ശാലിനിയായി, ശിക്ഷിരരിലേഷും, ഡോ.സോനുവായി സെയ്ഫുവും, അഞ്ജലിയായി അമൃതയും വേഷമിടുന്നു. സിനി ഹൗസിന്റെ ബാനറില്‍ രാഗേഷ് കൃഷ്ണന്‍ കുരമ്പാല, കഥ, തിരക്കഥ, സംഭാഷണം, സംവിധാനം നിര്‍വ്വഹിക്കുന്ന കളം ചിത്രീകരണം പൂര്‍ത്തിയായി.ക്യാമറ – വിശാല്‍ മോഹന്‍ദാസ്, ഗാനങ്ങള്‍, സംഗീതം – വിജയലക്ഷ്മി, കല -ശ്യാം കൊല്ലം, പ്രേം പന്തളം,മേക്കപ്പ് – അനൂപ് മൂവാറ്റുപുഴ, ശ്രീലാല്‍ പാലോളി, പ്രൊഡക്ഷന്‍ കണ്‍ട്രോളര്‍- കാര്‍ത്തിക് പന്തളം, മാനേജര്‍ – പ്രേം പന്തളം, സ്‌പോട്ട് എഡിറ്റര്‍ – ബിഞ്ചു, അസോസേറ്റ് ഡയറക്ടര്‍ – മനീഷ് കുമാര്‍, അസിസ്റ്റന്റ് ഡയറക്ടര്‍ – നിധീഷ് കൊല്ലം, അഖില്‍, സന്തോഷ് കാസര്‍കോഡ്, പി.ആര്‍.ഒ- അയ്മനം സാജന്‍ അങ്കിത് ജോര്‍ജ് അലക്‌സ്, സെയ്ഫു, ശിക്ഷിര രിലേഷ്, അമൃത, റെജി പുനലൂര്‍, ഷിജോ, കല, രഞ്ജിത് കുളനട എന്നിവരോടൊപ്പം മറ്റ്പുതുമുഖങ്ങളും വേഷമിടുന്നു.
പ്രതികരിക്കാൻ ഇവിടെ എഴുതുക: