ഒലിവ് മീഡിയയുടെ ബാനറില് സാജു എരുമേലി നിര്മിച്ച് ജയരാജ് പണിക്കര് സംവിധാനം ചെയ്ത തിരുവമ്പാടി കണ്ണന് മ്യൂസിക്കല് ആല്ബം പ്രേക്ഷകരുടെ മനം കവരുന്നു. അതീവ ഹൃദ്യമായ ഈ ആല്ബത്തിന്റെ ഗാനരചന നിര്വഹിച്ചിരിക്കുന്നത് കെ. ജയകുമാര് ആണ്. സംഗീത സംവിധാനം നിര്വഹിച്ചത് ഗംഗന് സംഗീതും ഗാനം ആലപിച്ചിരിക്കുന്നത് കുമാരി അവനി എസ്. എസും ആണ്.
മാസ്റ്റര് അദൈ്വത് സാജു ആണ് തിരുവമ്പാടി കണ്ണനായി വേഷമിട്ടിരിക്കുന്നത്. രാധയായത് കുമാരി ഐശ്വര്യ ഷൈജു ആണ്. വിജയന് മുരുക്കുംപുഴ മറ്റൊരു പ്രധാന കഥാപാത്രത്തെ അവതരിപ്പിച്ചിട്ടുണ്ട്.വെളിനല്ലൂര് ശ്രീരാമസ്വാമി ക്ഷേത്രം, എരുമേലി മുക്കൂട്ടുതറ ശ്രീകൃഷ്ണസ്വാമി ക്ഷേത്രം എന്നിവിടങ്ങളിലെ ദൃശ്യചാരുതയുള്ള ലൊക്കേഷനുകളിലാണ് തിരുവമ്പാടി കണ്ണനെ വാഴ്ത്തിപ്പാടുന്ന ഈ ആല്ബം ചിത്രീകരിച്ചത്.
ക്രിയേറ്റീവ് ഹെഡ്: ഗംഗന് സംഗീത്. ഛായാഗ്രഹണം: വിസോള് കരുനാഗപ്പള്ളി. എഡിറ്റിംഗ്, ഡി. ഐ: സുഭാഷ് കടത്തൂര്. പ്രൊഡക്ഷന് മാനേജര്: റജി തോപ്പില്. കൊറിയോഗ്രാഫി: പാറങ്കോട് വാസുദേവന്. കോസ്റ്റ്യും: ആരഭി ഡാന്സ് സ്കൂള്. പ്രൊഡക്ഷന് കണ്ട്രോളര്: ശ്യാംസൂദനന് പിള്ള. ആര്ട്ട്, മേക്കപ്പ്: ബാലു. റെക്കോര്ഡിങ്: ബെന്സണ് ക്രിയേഷന്സ്, തിരുവനന്തപുരം. സൗണ്ട് എഞ്ചിനീയര് : റോയ്സ്റ്റര് ഷാജി. മിക്സിങ്, മാസ്റ്ററിങ്-സുനീഷ് എസ്. ആനന്ദ്. ഡിസൈനിങ്: ജയന് വിസ്മയ.
ആല്ബത്തിന്റെ പ്രകാശന കര്മ്മം നിര്വഹിച്ചത് ചലച്ചിത്ര താരം ഊര്മ്മിള ഉണ്ണി ആണ്. എംസി ഓഡിയോസ് ആന്ഡ് വീഡിയോസ്ാണ് ആല്ബം റിലീസ് ചെയ്തിരിക്കുന്നത്. റിലീസ് ചെയ്ത് ദിവസങ്ങള്ക്കകം തന്നെ 30000 പേര് ആല്ബം കണ്ടു. പ്രേക്ഷകരെ ഏറെ ആകര്ഷിച്ച് മുന്നേറുന്ന തിരുവമ്പാടി കണ്ണന് തൃശൂര് കലാ കൈരളി കലാ സാഹിത്യ സാംസ്കാരിക വേദിയുടെ മികച്ച സംഗീത വീഡിയോ ആല്ബത്തിനുള്ള പുരസ്കാരത്തിന് അര്ഹമായിട്ടുണ്ട്. ആല്ബത്തിന്റെ ഗാനരചയിതാവ് കെ. ജയകുമാറിനെ അണിയറ പ്രവര്ത്തകര് ആദരിച്ചു. ജയരാജ് പണിക്കര്, സാജു എരുമേലി, ഗംഗന് സംഗീത്, വിജയന് മുരുക്കുംപുഴ, അദൈ്വത് സാജു എന്നിവര് സംബന്ധിച്ചു.
