കൊച്ചി: ശുചിത്വ മേഖലയിലെ പുത്തന് അറിവുകള് പരിചയപ്പെടുത്തുന്ന ‘ജി എക്സ് കേരള’23’ നാളെ (ശനിയാഴ്ച) കൊച്ചിയില് ആരംഭിക്കും. രാവിലെ പത്ത് മണിക്ക് മുഖ്യമന്ത്രി പിണറായി വിജയന് എക്സ്പോ ഉദ്ഘാടനം ചെയ്യും. തദ്ദേശ സ്വയം ഭരണ എക്സൈസ് വകുപ്പ് മന്ത്രി എം ബി രാജേഷ് അധ്യക്ഷത വഹിക്കും, പ്രതിപക്ഷ നേതാവ് വി ഡി സതീശന് മുഖ്യ പ്രഭാഷണം നടത്തും.
ജര്മ്മന് കോണ്സുല് ജനറല് ആചിം ബര്ക്കാര്ട്ട് മുഖ്യാതിഥിയായിരിക്കും. ചീഫ് സെക്രട്ടറി വി പി ജോയ് ആമുഖ പ്രഭാഷണം നടത്തും. കൊച്ചി മേയര് എം അനില് കുമാര്, ഹൈബി ഈഡന് എം പി, എംഎല്എമാരായ ടി ജെ വിനോദ്, കെ എന് ഉണ്ണികൃഷ്ണന്, കെ ജെ മാക്സി, ഉമാ തോമസ്, ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, നവകേരള കര്മ്മ പദ്ധതി കോര്ഡിനേറ്റര് ടി എന് സീമ തുടങ്ങിയവര് സംസാരിക്കും. മറൈന് െ്രെഡവില് പ്രത്യേകം സജ്ജീകരിച്ച സ്ഥലത്താണ് വേദി.
മാലിന്യ സംസ്കരണ രംഗത്തെ പുത്തന് രീതികളും സാധ്യതകളും പരിചയപ്പെടുത്തുന്ന നൂറിലധികം സ്റ്റാളുകള്, 26 സാങ്കേതിക സെഷനുകള്, വര്ക്ക് ഷോപ്പുകള്, ലൈവ് ഡെമോകള്, വിദ്യാര്ഥികളുടെ ആശയങ്ങള് പങ്കുവെക്കുന്ന ഹാക്കത്തോണ്, സംരംഭകസമ്മേളനം തുടങ്ങി നിരവധി പരിപാടികളാണ് ഒരുക്കിയിരിക്കുന്നത്.
ഇന്ത്യയ്ക്ക് അകത്തുനിന്നും പുറത്തുനിന്നും 150ലേറെ പ്രമുഖരാണ് മൂന്ന് ദിവസങ്ങളിലായി നീണ്ടുനില്ക്കുന്ന സെമിനാറുകളിലും പരിപാടികളിലും സംബന്ധിക്കുന്നത്. സംസ്ഥാനത്തെ എല്ലാ തദ്ദേശ സ്വയം ഭരണ സ്ഥാപനങ്ങളില് നിന്നും ചുരുങ്ങിയത് പത്ത് പ്രതിനിധികള് എക്സ്പോയില് പങ്കെടുക്കാനെത്തും. ഇതിന് പുറമേ മാലിന്യമേഖലയിലെ വിവിധ സംഘടനാ പ്രതിനിധികള്, പരിസ്ഥിതി പഠന വിദ്യാര്ഥികള്, മാധ്യമപ്രതിനിധികള്, സംരംഭകര് തുടങ്ങിയവരെല്ലാം എക്സ്പോയ്ക്കെത്തും.
കക്കൂസ് മാലിന്യം വീടുകളിലെത്തി ശുദ്ധീകരിക്കാന് കഴിയുന്ന അത്യാധുനിക വാഹനങ്ങള്, ജലാശയങ്ങള് ശുചിയാക്കുന്ന റോബോട്ടിക് സംവിധാനം, ഫ്ലക്സ് പ്ലാസ്റ്റിക് മാലിന്യങ്ങള് പുനരുപയോഗിച്ച് പുതിയ ഉല്പ്പന്നങ്ങളാക്കുന്നതിന്റെ ലൈവ് ഡെമോ, മലിനജലം ഒഴുകുന്ന ഓടകള് വൃത്തിയാക്കുന്ന റോബോട്ടിക് സാങ്കേതിക വിദ്യ, പ്രീഫാബ്രിക്കേറ്റഡ് എസ് ടി പികള്, റോഡ് ക്ലീനിംഗ് മിഷിനുകള് തുടങ്ങി നിരവധി സ്റ്റാളുകളാണ് ഒരുക്കിയിരിക്കുന്നത്.
സാങ്കേതിക വിദ്യ വികസിപ്പിച്ച സംരംഭകരെയും കേരളത്തിലെ തദ്ദേശ സ്വയം ഭരണ സ്ഥാപനങ്ങളടക്കമുള്ള സംവിധാനങ്ങളെയും ബന്ധിപ്പിക്കുന്ന ബിസിനസ് ടു ബിസിനസ് മീറ്റിംഗ്, മാലിന്യ സംസ്കരണ രംഗത്തെ സംരംഭകര്ക്കായുള്ള പ്രത്യേകസമ്മേളനം, മാലിന്യ സംസ്കരണ രംഗത്തെ പുത്തന് ആശയങ്ങള്, വിദ്യാര്ത്ഥികള് അവതരിപ്പിക്കുന്ന ഹാക്കത്തോണ് തുടങ്ങിയ പരിപാടികളും എക്സ്പോയിലുണ്ട്.
