കൊച്ചി: വാഹനപരിശോധനയ്ക്കിടെ ഫോര്ട്ട് കൊച്ചിയില് എസ് ഐയെ ബൈക്ക് കൊണ്ട് ഇടിച്ച് തെറിപ്പിച്ച് യുവാക്കള് രക്ഷപ്പെട്ടു. ബൈക്കിടിച്ച് വീണ എസ് ഐ സന്തോഷിന്റെ കൈ ഒടിഞ്ഞു.
കൈ കാണിച്ചിട്ടും വാഹനം നിര്ത്താതെ യുവാക്കള് എസ്ഐയെ ഇടിച്ചിട്ട ശേഷം ബൈക്കോടിച്ച് കടന്നുകളയുകയായിരുന്നു. ഇതിന്റെ സിസിടിവി ദൃശ്യങ്ങള് ലഭിച്ചിട്ടുണ്ട്. യുവാക്കള്ക്കെതിരെ പൊലീസ് അന്വേഷണം ശക്തമാക്കി.
ശനിയാഴ്ച രാത്രിയിലും ഞായറാഴ്ച പുലര്ച്ചെയും പൊലീസ് നടത്തിയ കോമ്പിങ്ങ് ഓപ്പറേഷന്റെ ഭാഗമായാണ് ഫോര്ട്ട് കൊച്ചിയില് വാഹനപരിശോധന നടത്തിയത്. ബൈക്കില് വന്ന യുവാക്കള് എസ് ഐയുടെ അടുത്ത് നിര്ത്താനെന്ന ഭാവേന ബൈക്കിന്റെ വേഗം കുറച്ചു. എന്നാല് പിന്നീട് പൊടുന്നനെ വേഗം കൂട്ടുകയായിരുന്നു. ഇതിനിടയില് എസ് ഐ സന്തോഷിനെ ഇടിച്ചിട്ടു. എസ്ഐ സന്തോഷ് നിലത്തടിച്ച് വീഴുന്നതിനിടയില് കൈ ഒടിഞ്ഞു.
