തിരുവനന്തപുരം : കോവളം ശ്രീധര്‍മ ശാസ്താ ക്ഷേത്രത്തില്‍ ഉദയ സമുദ്ര ഗ്രുപ്പ് എം ഡി എസ് രാജശേഖരന്‍ നായര്‍ നിര്‍മ്മിച്ച് നല്‍കിയ ശ്രീകോവില്‍ ,അലങ്കാരഗോപുരം, ചിത്രമതില്‍, മണിമണ്ഡപം എന്നിവയുടെ സമര്‍പ്പണം നടന്നു.
ചെങ്കല്‍ ശിവപാര്‍വതി ക്ഷേത്രം മഠാധിപതി സ്വാമി മഹേശ്വരാനന്ദ സരസ്വതി ഭദ്ര ദീപം തെളിയിച്ച് ചടങ്ങ് ഉല്‍ഘാടനം ചെയ്തു. എസ് രാജശേഖരന്‍ നായര്‍ അധ്യക്ഷത വഹിച്ചു. നിസാമുദീന്‍ (വാര്‍ഡ് കൗണ്‍സിലര്‍), പൂന്തുറ ശ്രീകുമാര്‍ (വൈസ് പ്രസിഡന്റ് , അഖില കേരള ധീവര സഭ), എം ഗോപാല്‍ (അദ്ധ്യക്ഷന്‍ , ഹിന്ദു ധര്‍മ്മ പരിഷത്), പനത്തുറ ബൈജു ( ജില്ലാ പ്രസിഡന്റ് ,അഖില കേരള ധീവര സഭ), ടി എന്‍ സുരേഷ് ( എസ് എന്‍ ഡി പി കോവളം യൂണിയന്‍ പ്രസിഡന്റ് ), എം എസ് ഭുവനചന്ദ്രന്‍ (ട്രസ്റ്റി , പൗര്‍ണ്ണമികാവ് ഭദ്രകാളി ക്ഷേത്രം ), വിഷ്ണുപുരം ചന്ദ്രശേഖരന്‍ ( ചെയര്‍മാന്‍ , വി എസ് ഡി പി എസ് ), ബിജു സുദാനന്ദന്‍ (ക്ഷേത്രം പ്രസിഡന്റ്) , കെ. വസന്ത സേനന്‍ ( ക്ഷേത്ര സെക്രട്ടറി ) തുടങ്ങിയവര്‍ ചാണ്ടങ്കില്‍ പങ്കെടുത്തു
മണക്കാട് ഗോപനും സംഘവും അവതരിപ്പിച്ച ഗാനമേള ചടങ്ങിന് മാറ്റുകൂട്ടി.
ചരിത്രപ്രധാനമായ ഈ ക്ഷേത്രം തിരുവിതാംകൂര്‍ മഹാരാജാവായിരുന്ന ശ്രി മാര്‍ത്താണ്ഡവര്‍മ്മ മഹാരാജാവ് ചെമ്പോല പട്ടയത്തില്‍ പതിച്ചുനല്‍കിയ ഭൂമിയിലാണ് കോവളം ശ്രീ ധര്‍മ്മശാസ്താ ക്ഷേത്രം സ്ഥിതി ചെയ്യുന്നത്. ഇവിടുത്തെ പ്രധാന പ്രതിഷ്ഠ സ്വയംഭൂവായി ഉയര്‍ന്നുവന്ന ആനപ്പുറത്തിരിക്കുന്ന ഭഗവന്‍ അയ്യപ്പന്റെ രൂപമാണ്. ഇപ്പോഴും ഭാഗക്കവന്റെ രൂപം വളര്‍ന്നുകൊണ്ടിരിക്കുകയാണ്. ആനപ്പുറത്തു അയ്യപ്പഭഗവാന്‍ ഇരിക്കുന്ന രൂപം അത്യപൂര്‍വമായ ഒരു പ്രതിഷ്ഠയാണ്. നാഗര്‍ക്ക് പ്രാധാന്യവും ശക്തിയുമുളള പഴക്കമേറിയെ ഒരു വലിയ കാവ് ക്ഷേത്രത്തിലുണ്ട്. ഈ കാവിലെ പാറക്കൂട്ടങ്ങള്‍ അനുദിനം വളര്‍ന്നുകൊണ്ടിരിക്കുകയാണ്.
പ്രതികരിക്കാൻ ഇവിടെ എഴുതുക: