ആദില് ഖാനെ വിവാഹം കഴിച്ച് മതം മാറി ഫാത്തിമ എന്ന പേര് സ്വീകരിച്ച് ജീവിതം ആരംഭിച്ചതോടെ രാഖി സാവന്ത് എന്ന നടിയുടെ ജീവിതത്തിലെ സ്വാസ്ഥ്യവും പോയി. ഏഴ് മാസം മുന്പ് ആദില് ഖാനുമായി വിവാഹവും നിക്കാഹും നടത്തി എന്നാണ് രാഖി സാവന്ത് പറയുന്നത്. പുതിയ പേരും സ്വീകരിച്ചു- ഫാത്തിമ.
മറാത്തി ബിഗ് ബോസിലെ മത്സരാര്ത്ഥിമായി ആദില് ഖാന് ബന്ധമുണ്ടെന്നത് രാഖി സാവന്തിന്റെ സ്വസ്ഥത കെടുത്തിയിരിക്കുകയാണ്. ഈയിടെ മാധ്യമങ്ങള്ക്ക് മുന്പില് താരം പൊട്ടിക്കരഞ്ഞിരുന്നു. ഇതുവരെ ഭര്ത്താവ് ആദില് ഖാന് വിവാഹം കഴിഞ്ഞു എന്ന് അംഗീകരിക്കുന്നില്ല. ഇതോടെ ഫാത്തിമ എന്ന രാഖി സാവമ്ത് തന്നെ വിവാഹ രജിസ്റ്റര് രേഖയും വിവാഹ വീഡിയോയും സഹിതം സോഷ്യല് മീഡിയയില് പോസ്റ്റ് ചെയ്തിരുന്നു.
ആദില് തന്നെ സ്വീകരിച്ചില്ലെങ്കില് ഈ നിക്കാഹ് ലവ് ജിഹാദ് ആയിരിക്കുമെന്നും രാഖി സാവന്ത് എന്ന ഫാത്തിമ പറഞ്ഞിരുന്നു. ആദില് ഖാന് തന്നെ സ്വീകരിക്കാന് വിസമ്മതിച്ചതിനാലാണ് താന് വിവാഹ ഫോട്ടോ വൈറലാക്കിയതെന്ന് രാഖി സാവന്ത് പറയുന്നു. താന് ഹറാമല്ല, ഹലാല് ആണ് ചെയ്തതെന്നും രാഖി പറഞ്ഞു.
വിവാഹത്തിന് ശേഷം ഒരു വര്ഷത്തോളം മിണ്ടാതിരിക്കാന് ആദില് ഖാന് രാഖി സാവന്തിനെ നിര്ബന്ധിച്ചിരുന്നു. ഏഴുമാസത്തോളം താന് മൗനം പാലിച്ചെന്നും ബിഗ് ബോസില് നിന്നും പുറത്തുപോയതിന് ശേഷം തനിക്ക് സഹിക്കാവുന്നതിലും അപ്പുറം ചിലത് സംഭവിച്ചെന്നും അതിനാലാണ് വിവാഹ ഫോട്ടോ വൈറലാക്കിയതെന്നും രാഖി സാവന്ത് പറയുന്നു.
ഇതിനിടെ ഷെര്ലിന് ചോപ്രയുടെ ചില അപകീര്ത്തികരമായ ചിത്രങ്ങള് സമൂഹമാധ്യമങ്ങളില് പങ്കുവെച്ചതിന്റെ പേരില് രാഖി സാവന്ത് എന്ന ഫാത്തിമയെ കഴിഞ്ഞ ദിവസം പൊലീസ് അറസ്റ്റ് ചെയ്തു. ഷെര്ലിന് ചോപ്രയും രാഖി സാവന്തും ദീര്ഘനാളുകളായി വഴക്ക് നടന്നുവരികയായിരുന്നു. പൊലീസില് ഷെര്ലിന് ചോപ്ര പരാതി നല്കിയതിന്റെ അടിസ്ഥാനത്തിലായിരുന്നു അറസ്റ്റ്.
