ഷാരൂഖ് ഖാന്റെ വിവാദ ചിത്രമായ പത്താന്‍ എത്തുന്ന സമയത്ത് തന്നെ തിയറ്ററുകളില്‍ കശ്മീര്‍ ഫയല്‍സ് വീണ്ടും എത്തിക്കാന്‍ വിവേക് അഗ്നിഹോത്രി. ഹിന്ദുത്വയെ വിമര്‍ശിക്കുന്ന പത്താനെ കശ്മീര്‍ ഫയല്‍സ് വഴി തളയ്‌ക്കുകയാണ് വിവേക് അഗ്നിഹോത്രിയുടെ ശ്രമം.
ജനവരി 19ന് കശ്മീര്‍ ഫയല്‍സ് റിലീസ് ചെയ്യാനാണ് വിവേക് അഗ്നിഹോത്രിയുടെ നീക്കം. 2021 മാര്‍ച്ചില്‍ റിലീസ് ചെയ്തപ്പോള്‍ കശ്മീര്‍ ഫയല്‍സ് 300 കോടി ബോക്സ് ഓഫീസില്‍ വരുമാനം നേടിയിരുന്നു. ഇപ്പോള്‍ റി-റിലീസ് എന്ന നിലയ്‌ക്കാണ് വീണ്ടും ജനവരി 19ന് കശ്മീര്‍ ഫയല്‍സ് റിലീസ് ചെയ്യുന്നത്. കശ്മീരിലെ ഹിന്ദുക്കളായ കശ്മീര്‍ പണ്ഡിറ്റുകളെ ഇസ്ലാമിക തീവ്രവാദികള്‍ കൂട്ടക്കൊല ചെയ്യുന്ന പച്ചയായ യാഥാര്‍ത്ഥ്യം തുറന്നുകാട്ടുന്ന സിനിമയാണ് കശ്മീര്‍ ഫയല്‍സ്.
ഹിന്ദുത്വത്തെ വിമര്‍ശിക്കുന്നതെന്ന പേരില്‍ വിവാദത്തിലൂടെ പണം കൊയ്യാന്‍ ശ്രമിക്കുന്ന പത്താന്‍ ജനവരി 26നാണ് റിലീസ് ചെയ്യാന്‍ ഉദ്ദേശിക്കുന്നത്. ഇതില്‍ കാവി വസ്ത്രം ധരിച്ച് അശ്ലീലച്ചുവടുകളോടെ നായിക ദീപിക പദുക്കോണ്‍ നൃത്തം ചെയ്യുന്നത് വിവാദമായിരുന്നു. പത്താന്‍ തിയറ്ററുകളില്‍ എത്തുന്നതിന് ഒരാഴ്ച മുന്‍പ് കശ്മീര്‍ ഫയല്‍സ് കൊണ്ടുവരിക വഴി പത്താനെ പ്രതിരോധിക്കാനാണ് വിവേക് അഗ്നിഹോത്രിയുടെ ശ്രമം.
