കോഴിക്കോട് : സംസ്ഥാന സ്കൂള് കലോത്സവത്തിന്റെ സ്വഗതഗാനം കേട്ടവര്ക്കും അതിന്റെ ദൃശ്യാവിഷ്കാരം കണ്ടവര്ക്കും അതില് ഒരു വര്ഗീയതയും തോന്നിയിട്ടില്ല. വര്ഗീയത സൃഷ്ടിച്ച് മുതലെടുപ്പ് നടത്താനാണ് നീക്കമെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്. വര്ഗീയ ധ്രുവീകരണത്തിനാണ് ശ്രമിക്കുന്നതെന്നും സുരേന്ദ്രന്. സ്വാഗതഗാനത്തിന് പിന്നില് പ്രവര്ത്തിച്ചവരുടെ സംഘപരിവാര് ബന്ധം അന്വേഷിക്കണമെന്ന മന്ത്രിയുടെ പ്രസ്താവനയോട് പ്രതികരിക്കുകയായിരുന്നു.
സ്വാഗതഗാനം കേട്ടവര്ക്കാര്ക്കും അതില് വര്ഗീയത തോന്നിയിട്ടില്ല. സ്കൂള് കലോത്സവം നടത്തിയത് വിദ്യാഭ്യാസ വകുപ്പും ചുക്കാന് പിടിച്ചത് മുഹമ്മദ് റിയാസുമാണ്. വിവാദങ്ങളിലൂടെ വര്ഗീയത സൃഷ്ടിച്ച് മുതലെടുപ്പ് നടത്താമെന്നാണ് അദ്ദേഹം ചിന്തിക്കുന്നത്.
സ്വാഗത ഗാനത്തിന്റെ പേരില് മുഹമ്മദ് റിയാസ് ഉണ്ടാക്കുന്നത് വര്ഗീയ ധ്രുവീകരണമാണ്. റിയാസിന്റെ ലക്ഷ്യം പകല്പോലെ വ്യക്തമാണ്. അത് മാര്ക്സിസ്റ്റ് പാര്ട്ടിക്ക് അകത്തുള്ളവര്ക്കും നന്നായി മനസ്സിലായിട്ടുണ്ടാകും. കേരളത്തിന്റെ മുഖ്യമന്ത്രിയാകാന് സ്വപ്നം കണ്ട് നടക്കുന്നവര് കലോത്സവത്തിന്റെ സ്വാഗതഗാനവുമായി ബന്ധപ്പെട്ടുള്ള വിവാദം ഒരു അവസരമായി ഉപയോഗിക്കുകയാണ്.
പ്രധാനപ്പെട്ട പദവിയിലിരിക്കുന്നവര് ഇത്തരം അവസരങ്ങളെ വര്ഗീയ ധ്രുവീകരണത്തിനായി ഉപയോഗിക്കുന്നത് ശരിയല്ല. കേരളത്തെ സംബന്ധിച്ച് അത് ഒട്ടും നല്ലതല്ല. ജനങ്ങള്ക്കിടയിലെ പരസ്പര വിശ്വാസവും സ്നേഹവും തകര്ക്കാനാണ് ഭക്ഷണത്തിലും സ്വാഗത ഗാനത്തിലുമെല്ലാം വിവാദമുണ്ടാക്കാന് ശ്രമിക്കുന്നത്. കലോത്സവം നടത്തിയതും സംഘാടക സമിതിയിലുള്ളതും റിയാസിന്റെ പാര്ട്ടിക്കാര് തന്നെയാണ്. ഒരു മുസ്ലിം മുഖ്യമന്ത്രി വരണമെന്ന ആഗ്രഹത്തിലാണ് ഇടത് മുന്നണിയുടെ പ്രവര്ത്തനം. ലീഗിനും റിസാസിനും ഒരേ അഭിപ്രായവുമാണ്’ എന്നും സുരേന്ദ്രന് പറഞ്ഞു.
