കൊച്ചി: “മാളികപ്പുറം ജീവിതമൂല്യത്തെയും ഭക്തി എന്ന വികാരത്തെയും പ്രചരിപ്പിക്കുന്നുണ്ടെങ്കിലും ഇതിനെല്ലാം അപ്പുറം ഉളള മറ്റൊന്നിനെ ആണ് മാളികപ്പുറം പ്രൊപ്പഗേറ്റ് ചെയ്യുന്നത്.. സ്പിരിച്ച്വൽ കറക്ട്നെസ്സ്! “- മാളികപ്പുറം എന്ന സിനിമയെ അഭിനന്ദിച്ച് രചന നാരായണന്കുട്ടി പങ്കുവെച്ച കുറിപ്പ് ഉണ്ണിമുകുന്ദന് ഫാന്സും മാളികപ്പുറം സിനിമ ഇഷ്ടപ്പെട്ട പ്രേക്ഷകരും ഏറ്റെടുത്തിരിക്കുകയാണ്.
സ്പിരിച്വല് കറക്ട്നെസ്സ് മാളികപ്പുറത്തിനേകാളും അയ്യപ്പനേക്കാളും ഭംഗിയായി ആർക്കാണ് പറഞ്ഞു തരാൻ സാധിക്കുക എന്നും രചനാ നാരായണന് കുട്ടി ചോദിക്കുന്നു. സിനിമയിൽ മാളികപ്പുറം വിളിക്കുന്ന ‘അയ്യപ്പാ’ എന്ന ഓരോ വിളിയിലും അയ്യൻ തന്റെ അകത്താണെന്ന തോന്നലാണ് ഉണ്ടാക്കിയതെന്നും രചന നാരായണൻകുട്ടി പറഞ്ഞു.
അതിനിടെ മാളികപ്പുറം മലയാളത്തില് വന്വിജയത്തിലേക്ക് കുതിക്കുന്നതോടെ തമിഴില് ഡബ്ബിംഗ് ചെയ്ത പതിപ്പും പുറത്തിറങ്ങുകയാണ്. ഈ തമിഴ് ചിത്രത്തിന്റെ ട്രെയിലര് നടന് ജയറാം പുറത്തിറക്കി. ഈ ട്രെയിലറും വൈറലായിരിക്കുകയാണ്.
