തിരുവനന്തപുരം: സബ്ജൂനിയര് പെണ്കുട്ടികളുടെ വിഭാഗത്തില് മൂന്നുസ്വര്ണം നേടിയ കൊടുവായൂര് ജിഎച്ച്എസ്എസിലെ നിവേദ്യ ചാമ്പ്യനായി. 600, 400, 200 മീറ്റര് മത്സരങ്ങളിലാണ് സ്വര്ണം നേടിയത്. മുന്ദേശീയ താരവും സ്വര്ണ ജേതാവുമായ അജയകുമാറിന്റെ ശിക്ഷണത്തിലാണ് സംസ്ഥാന സ്കൂള് കായിക മേളയുടെ ട്രാക്കിലിറങ്ങിയ കൊടുവായൂര് ജിഎച്ച്എസ്എസിലെ നിവേദ്യ.
മുന് ആര്മി ഉദ്യോഗസ്ഥനും ദേശീയ കായിക താരവുമായ അജയകുമാറിന് കീഴില് കഴിഞ്ഞ ഒന്നരവര്ഷമായി നിവേദ്യ പരിശീലനം നടത്തുന്നു. നിവേദ്യയുടെ പ്രതിഭ തിരിച്ചറിഞ്ഞ അജയകുമാര് കുട്ടിയുടെ സാമ്പത്തിക പരാധീനതകള് പരിഗണിച്ച് സൗജന്യമായാണ് പരിശീലനം നല്കുന്നത്. നിവേദ്യക്ക് ആവശ്യമായ സാമ്പത്തിക സഹായവും പരിശീലന സൗകര്യങ്ങളും ഒരുക്കുന്നത് അജയകുമാറാണ്.
