തിരുവനന്തപുരം: പത്മഭൂഷണ് മല്ലികാ സാരാഭായിയെ കലാമണ്ഡലം കല്പ്പിത സര്വ്വകലാശാലയുടെ ചാന്സിലര് പദവിയിലേക്ക് സംസ്ഥാന സര്ക്കാര് നിയമിച്ചു. ഇത് സംബന്ധിച്ചുള്ള ഉത്തരവ് സാംസ്കാരിക വകുപ്പ് പുറത്തുവിട്ടു. ഗവര്ണറെ ചാന്സിലര് പദവിയില് നിന്ന് മാറ്റാനുള്ള ബില് നാളെ നിയമസഭയില് അവതരിപ്പിക്കാനിരിക്കായാണ് പുതിയ നിയമനം.
പ്രശസ്ത നര്ത്തകി മൃണാളിനി സാരാഭായിയുടെയും ബഹിരാകാശ ശാസ്ത്രജ്ഞന് വിക്രം സാരാഭായിയുടെയും മകളായി ജനിച്ച മല്ലിക സാരാഭായ് കുച്ചുപ്പുടിയിലും ഭരതനാട്യത്തിലും ലോകം അംഗീകരാം നേടിയ നര്ത്തകിയാണ്. 1953 ല് ഗുജറാത്തിലാണ് മല്ലികയുടെ ജനനം. അഹമ്മദാബാദിലെ സെന്റ് സേവ്യേഴ്സ് കലാലയത്തില് പഠിച്ചു.
അഹമ്മദാബാദ് ഐ.ഐ.എംല് നിന്ന് എം.ബി.എ ബിരുദം കരസ്ഥമാക്കി. ഗുജറാത്ത് സര്വകലാശാലയില് നിന്ന് 1976 ല് ഡോക്ടറേറ്റും നേടി. പതിനഞ്ച് വയസ്സുള്ളപ്പോള് സമാന്തര ചലച്ചിത്ര മേഖലയിലേക്ക് പ്രവേശിച്ചു. പീറ്റര് ബ്രൂക്ക്സിന്റെ ‘ദി മഹാഭാരത’ എന്ന നാടകത്തില് ദ്രൗപതിയെ അവതരിപ്പിച്ചാണ് ശ്രദ്ധേയയായത്.
