കൊച്ചി: അന്താരാഷ്ട്ര പുസ്തകോത്സവ സമിതിയുടെ ആഭിമുഖ്യത്തിലുള്ള കെ. രാധാകൃഷ്ണന് സാഹിത്യ പുരസ്കാരം വെണ്ണല മോഹനന്. ‘നുറുങ്ങുകള്’ എന്ന ഗ്രന്ഥത്തിനാണ് പുരസ്കാരം. പതിനായിരത്തിയൊന്ന് രൂപയും ഫലകവും പ്രശസ്തി പത്രവുമാണ് അവാര്ഡ്.
ഡിസംബര് 19 ന് അന്താരാഷ്ട്ര പുസ്തകോത്സവ വേദിയില് നടക്കുന്ന ചടങ്ങില് വെച്ച് പുരസ്കാരം സമ്മാനിക്കും. ഡോ. എ.എം. ഉണ്ണികൃഷ്ണന്, ഡോ. ശ്രീശൈലം ഉണ്ണികൃഷ്ണന്, കാവാലം ശശികുമാര് എന്നിവര് അടങ്ങുന്ന സമിതി ആണ് പുരസ്കാരം നിര്ണയിച്ചത്.
