സന്‍ഫ്രാന്‍സിസ്കോ:ഏഴാം റൗണ്ടില്‍ ലോക ഒന്നാം നമ്പര്‍ താരം മാഗ്നസ് കാള്‍സനോട് തോറ്റതിന്റെ ക്ഷീണം എട്ടാം റൗണ്ടില്‍ തകര്‍പ്പന്‍ ജയത്തോടെ നേടി പ്രഗ്നാനന്ദ. ഇന്ത്യന്‍ താരം അര്‍ജുന്‍ എരിഗെയ്സിയെയാണ് പ്രഗ്നാനന്ദ അനായാസം തോല്‍പിച്ചത്. മൂന്ന് ഗെയിം മാത്രമേ കളിക്കേണ്ടി വന്നുള്ളൂ. രണ്ട് ജയവും ഒരു സമനിലയും നേടി 2.5-0.5 പോയിന്‍റുകളോടെ പ്രഗ്നാനന്ദ വിജയത്തിലേക്ക് കുതിച്ചതോടെ ടൂര്‍ണ്ണമെന്‍റില്‍ ഏഴാം സ്ഥാനത്ത് നിന്നും അഞ്ചാം സ്ഥാനത്തേക്ക് ഉയര്‍ന്നു .
പ്രഗ്നാനന്ദയേക്കാള്‍ ഉയര്‍ന്ന ഫിഡേ റാങ്കുള്ള കളിക്കാരനാണ് അര്‍ജുന്‍ എരിഗെയ്സി. കഴിഞ്ഞ മൂന്ന് കളികളില്‍ വിജയിച്ച് നാലാം സ്ഥാനത്തേക്കുയര്‍ന്ന അര്‍ജുന്‍ എരിഗെയ്സി പ്രഗ്നാനന്ദയുമായി അവസാന റൗണ്ടില്‍ തോല്‍വി ഏറ്റുവാങ്ങിയതോടെ പിന്തള്ളപ്പെട്ടു.
മെല്‍റ്റ് വാട്ടറില്‍ ഒരു കളിയും തോല്‍ക്കാതെ തകര്‍പ്പന്‍ പ്രകടനം നടത്തിയ മാഗ്നസ് കാള്‍സനാണ് കിരീടം നേടിയത്. അവസാന റൗണ്ടില്‍ പോളണ്ടിന്റെ ഡുഡയെയും മാഗ്നസ് കാള്സന് തകര്‍ത്തു. രണ്ടാം സ്ഥാനം നേടിയത് അമേരിക്കന്‍ ഗ്രാന്‍റ്മാസ്റ്റര്‍ വെസ്ലി സോ ആണ്. അഞ്ചാം റൗണ്ടില്‍ പ്രഗ്നാനന്ദ തോല്‍പിച്ച വിയ്റ്റ്നാം താരം ലിയെം ലെ മൂന്നാം സ്ഥാനത്തെത്തി.
പ്രതികരിക്കാൻ ഇവിടെ എഴുതുക: