ഗാന്ധിനഗര്: ബിജെപി ടിക്കറ്റില് ഗുജറാത്തിലെ ജാം നഗറില് മത്സരിക്കുന്ന ഇന്ത്യന് ക്രിക്കറ്റ് താരം രവീന്ദ്ര ജഡേജയുടെ ഭാര്യ റിവാബ ജഡേജ മണ്ഡലം ഇളക്കിമറിക്കുകയാണ്. രവീന്ദ്ര ജഡേജയും ഭാര്യയ്ക്ക് വേണ്ടി ശക്തമായി രംഗത്തുണ്ട്.
കഴിഞ്ഞ ദിവസം വനിതാ സ്ക്വാഡ് വീടുവീടാന്തരം പ്രചാരണം നടത്തി. രാഷ്ട്രീയത്തില് പുതുമുഖമാണ് റിവാബ ജഡേജ. അതേ സമയം റിവാബ ജഡേജയ്ക്കെതിരെ കോണ്ഗ്രസിന് വേണ്ടി രവീന്ദ്ര ജഡേജയുടെ സഹോദരി നയ്നാബ ജഡേജ പ്രചാരണം നടത്തുന്നുണ്ട്. എന്നാല് നയ്നാബ ജഡേജയ്ക്ക് കോണ്ഗ്രസ് ഇതുവരെയും ടിക്കറ്റ് കൊടുത്തിട്ടില്ല.
ഭാര്യയുടെ കഴിവില് വിശ്വാസം പ്രകടിപ്പിച്ചതിന് പ്രധാനമന്ത്രി മോദിയേയും ആഭ്യന്തരമന്ത്രി അമിത് ഷായെയും അഭിനന്ദിച്ച് രവീന്ദ്ര ജഡേജ ട്വീറ്റ് ചെയ്തിരുന്നു. ഗുജറാത്ത് നിയമസഭയിലേക്ക് ടിക്കറ്റ് നേടിയതില് ഭാര്യയെയും രവീന്ദ്ര ജഡേജ അഭിനന്ദിച്ചു. ഭാവിയില് സമൂഹത്തിന്റെ വികസനത്തിന് വേണ്ടിയുള്ള പ്രവര്ത്തനം തുടരാനും ഭാര്യയെ അഭിനന്ദിച്ച് കൊണ്ട് പങ്കുവെച്ച ട്വീറ്റില് രവീന്ദ്ര ജഡേജ കുറിച്ചു.
