പാലക്കാട്: മൊബൈൽഫോൺ വിൽപനശാല വിപുലീകരിക്കുന്നതിൽ പങ്കാളിയാക്കാമെന്ന് വാഗ്ദാനം ചെയ്ത് ലക്ഷങ്ങൾതട്ടിയ കേസിൽ യൂത്ത്കോൺഗ്രസ് നേതാവുൾപ്പടെ നാലുപേർക്കെതിരെ ടൗൺ സൗത്ത് പോലീസ് കേസെടുത്തു. യൂത്ത് കോൺഗ്രസ് പാലക്കാട് മണ്ഡലം പ്രസിഡന്റ് സദ്ദാംഹുസൈൻ (30), ഭാര്യ അനീസ (23), ഷാജഹാൻ (38), ഷംസുദ്ദീൻ (36) എന്നിവർക്കെതിരെയാണ് കേസെടുത്തത്.
കണ്ണാടി സ്വദേശിയുടെ പരാതിയിൽ വഞ്ചനാകുറ്റം, ഭീഷണിപ്പെടുത്തൽ തുടങ്ങിയ വകുപ്പുകൾ ചേർത്താണ് കേസെടുത്തിരിക്കുന്നത്. പ്രതിചേർക്കപ്പെട്ടവരുടെ പാലക്കാട് നഗരത്തിലെ മൊബൈൽ സ്ഥാപനങ്ങൾ വിപുലീകരിച്ച് ഒരു ബ്രാൻഡിൽ മലപ്പുറം, കോഴിക്കോട്, പാലക്കാട് ജില്ലകളിൽ മൊബൈൽ ശൃംഖല തുറക്കുന്നുവെന്നും ബിസിനസിൽ പങ്കാളിയാക്കാമെന്നും പരാതിക്കാരനെ വിശ്വസിപ്പിച്ചു.
2021 ഏപ്രിൽമുതൽ ഡിസംബർവരെയുള്ള കാലയളവിൽ വിവിധ തവണകളായി 38.50 ലക്ഷം രൂപ പ്രതികളുടെ ബാങ്ക് അക്കൗണ്ടിലേക്കും നേരിട്ടും നൽകി. പിന്നീട് പ്രതികൾ സ്ഥാപനം തുടങ്ങിയില്ല. പണം തിരികെ ചോദിച്ചപ്പോൾ കൊല്ലുമെന്ന് ഭീഷണിപ്പെടുത്തിയെന്നുമാണ് എഫ്ഐആറിന്റെ ഉള്ളടക്കം.
പ്രതികരിക്കാൻ ഇവിടെ എഴുതുക: