മീററ്റ്: ഉത്തര്‍പ്രദേശിലെ മീററ്റിലെ മഹാദേവ ക്ഷേത്രത്തിലെ ശിവലിംഗത്തില്‍ മൂത്രമൊഴിച്ച യുവാവ് അറസ്റ്റില്‍. സംഭവത്തിന്റെ വീഡിയോ സോഷ്യല്‍ മീഡിയയില്‍ വൈറലായതിനു പിന്നാലെയാണ് പോലീസ് നടപടി. ഉത്തര്‍പ്രദേശിലെ മീററ്റിലെ സരൂര്‍പൂര്‍ പോലീസ് സ്‌റ്റേഷന്‍ പരിധിയില്‍ വരുന്ന രസ്‌ന ഗ്രാമത്തിലെ 200 വര്‍ഷം പഴക്കമുള്ള പുരാതന മഹാദേവ ക്ഷേത്രത്തില്‍ 2022 ഒക്ടോബര്‍ 18 ചൊവ്വാഴ്ചയാണ് നിന്ദ്യമായ സംഭവം നടന്നത്. ശിവലിംഗത്തെ അപകീര്‍ത്തിപ്പെടുത്തിയ യുവാവ് മുഹമ്മദ് ഷൊയാബ് ആണെന്ന് തിരിച്ചറിയുകയും അറസ്റ്റിലാവുകയും ചെയ്തു. ഇയാള്‍ ലഹരിക്കടിമയും ബുദ്ധിമാന്ദ്യമുള്ളയാളുമാണെന്ന് പോലീസ് പറഞ്ഞു. ക്ഷേത്രത്തില്‍ മൂത്രമൊഴിച്ച് സമയത്ത് ഇയാള്‍ ലഹരിയായിരുന്നെന്നും കണ്ടെത്തി.
ട്വിറ്ററില്‍ പ്രചരിക്കുന്ന സിസിടിവി ദൃശ്യങ്ങളില്‍ മുഹമ്മദ് ഷോയാബ് ക്ഷേത്രത്തില്‍ പ്രവേശിക്കുന്നതും ശിവലിംഗത്തില്‍ മൂത്രമൊഴിക്കുന്നതും കാണാം. ചൊവ്വാഴ്ച രാവിലെ പൂജാരിമാര്‍ ആരാധനയ്‌ക്കായി ക്ഷേത്രത്തില്‍ എത്തിയപ്പോള്‍ പ്രധാന കവാടം തുറന്നു കിടക്കുന്നത് ശ്രദ്ധയില്‍പെട്ടു. ക്ഷേത്രപരിസരത്ത് നിന്ന് ദുര്‍ഗന്ധം വമിക്കുന്നുണ്ടായിരുന്നു. വൈദികന്‍ മോഹിത് എന്ന നാട്ടുകാരനായ യുവാവിനെ വിളിച്ചുവരുത്തി. തുടര്‍ന്നുള്ള പരിശോധനയിലാണ് ഷൊയ്ബ് നിന്ദ്യമായ പ്രവൃത്തി ചെയ്യുന്നത് കണ്ട സിസിടിവി ദൃശ്യങ്ങള്‍ പ്ലേ ചെയ്തു.
സംഭവത്തില്‍ പ്രതിക്കെതിരെ സരൂര്‍പൂര്‍ പൊലീസ് സ്‌റ്റേഷനില്‍ കേസെടുക്കുകയും സിസിടിവി ദൃശ്യങ്ങളുടെ അടിസ്ഥാനത്തില്‍ മുഹമ്മദ് ഷൊയ്ബിനെ അറസ്റ്റു ചെയ്യുകയുമായിരുന്നു.
പ്രതികരിക്കാൻ ഇവിടെ എഴുതുക: