ചെന്നൈ:വിവാഹം കഴിഞ്ഞ നാല് മാസമാകുമ്പോഴേക്കും രണ്ട് കുഞ്ഞുങ്ങള്ക്ക് ജന്മം നല്കിയ വിഘ്നേഷ് ശിവന്-നയന്താര ദമ്പതികളെ തമിഴ്നാട് ആരോഗ്യവകുപ്പ് നല്കുന്ന റിപ്പോര്ട്ടിന്റെ ചോദ്യം ചെയ്തേക്കും. വാടകഗര്ഭധാരണം വഴിയാണ് താരദമ്പതികള് ഇരട്ടക്കുഞ്ഞുങ്ങളെ ജനിപ്പിച്ചത്. വിഘ്നേഷ് ശിവനും നയന്താരയും സമൂഹമാധ്യമങ്ങളിലൂടെ ഇരട്ടക്കുഞ്ഞുങ്ങള് ജനിച്ചതായി വാര്ത്ത പുറത്തുവിട്ടതോടെയാണ് പുറം ലോകം ഇക്കാര്യം അറിയുന്നത്.
വിവാഹം കഴിഞ്ഞ് അഞ്ച് വര്ഷമായും കുട്ടികളില്ലാത്ത കേസില് മാത്രമേ വാടകഗര്ഭധാരണം നടത്താന് നിയമം അനുവദിക്കുകയുള്ളൂ. എന്നാല് ഇവിടെ നിയമം ലംഘിക്കപ്പെട്ടിരിക്കുകയാണ്.
എന്തായാലും തമിഴ്നാട് ആരോഗ്യവകുപ്പ് കുഞ്ഞിന് വേണ്ടി വാടകഗര്ഭധാരണം അനുവദിച്ച ആശുപത്രി കണ്ടെത്തിയിരിക്കുകയാണ്. ഒരാഴ്ചക്കുള്ളില് ആശുപത്രി റിപ്പോര്ട്ട് നല്കിക്കഴിഞ്ഞാല് കൂടുതല് വിവരങ്ങള് ആശുപത്രിയില് നിന്നും ശേഖരിക്കുമെന്ന് തമിഴ്നാട് ആരോഗ്യമന്ത്രി എം. സുബ്രഹ്മണ്യന് പറഞ്ഞു. ഇതിന്റെ അടിസ്ഥാനത്തില് ആവശ്യമെങ്കില് താരദമ്പതികളെ ചോദ്യം ചെയ്തേക്കും.
