ന്യൂദല്ഹി: ദല്ഹി, ഹരിയാന, ഉത്തര്പ്രദേശ്, ഉത്തരാഖണ്ഡ്, ഒഡീഷ, മധ്യപ്രദേശ്, രാജസ്ഥന് എന്നിവിടങ്ങളില് ശക്തമായ മഴ. 18 മരണം. മൂന്ന് ദിവസമായി തുടരുന്ന മഴയില് ദല്ഹിയില് പലയിടങ്ങളിലും വെള്ളം കയറി. ദല്ഹിയില് 15 വര്ഷത്തിനിടയിലെ ശക്തമായ മഴയാണിത്. ലാഹോറി ഗേറ്റില് കെട്ടിടം തകര്ന്നുവീണ് നാലുവയസ്സുകാരിയടക്കം മൂന്ന് പേര് മരിച്ചു. ഒന്പത് പേര്ക്ക് പരിക്കേറ്റു.
രണ്ട് പേര് ഇടിമിന്നലേറ്റ് മരിച്ചതുള്പ്പെടെ ഉത്തര്പ്രദേശില് ഒന്പത് പേര്ക്കാണ് ജീവന് നഷ്ടപ്പെട്ടത്. ബല്റാംപൂര്-ബദ്രി ദേശീയപാത വെള്ളത്തിനടിയിലായി. ഏക്കറു കണക്കിന് കൃഷി നശിച്ചു. നിരവധിപ്പേരെ മാറ്റിപ്പാര്പ്പിച്ചു. മഴയെത്തുടര്ന്ന് ലഖ്നൗ, നോയിഡ, ഗസിയബാദ്, കാണ്പൂര്, ആഗ്ര എന്നിവിടങ്ങളിലെ സ്കൂളുകള്ക്ക് അവധി പ്രഖ്യാപിച്ചു. ഒഡീഷയിലും ഇടിമിന്നലേറ്റുള്ള മരണം റിപ്പോര്ട്ട് ചെയ്തു.
ഹരിയാനയില് മഴവെള്ളം നിറഞ്ഞു കിടന്ന കുളത്തില് കുളിക്കാനിറങ്ങിയ ആറ് കുട്ടികള് മരിച്ചു. ഗുരുഗ്രാമിലാണ് സംഭവം. മരിച്ചവരുടെ കുടുംബത്തിന് സംസ്ഥാന സര്ക്കാര് രണ്ട് ലക്ഷം രൂപ സഹായം പ്രഖ്യാപിച്ചു. അടുത്ത ദിവസങ്ങളിലും മഴ തുടരുമെന്ന് ഇന്ത്യന് കാലാവസ്ഥാപഠന വകുപ്പ് അറിയിച്ചു. പതിനൊന്നു സംസ്ഥാനങ്ങള്ക്കാണ് വകുപ്പ് മുന്നറിയിപ്പു നല്കിയിരിക്കുന്നത്. അയല് രാജ്യങ്ങളായ പാകിസ്ഥാനിലും നേപ്പാളിലും മഴ ശക്തമാണ്.
