ചെന്നൈ: നയന് താര ഇരട്ടകുട്ടികളുടെ അമ്മയായിരിക്കുന്നു. വാര്ത്ത നയന്താര-വിഘ്നേഷ് ദമ്പതികള് തന്നെയാണ് പുറത്തുവിട്ടത്.രണ്ടും ആണ്കുഞ്ഞുങ്ങളാണ്. ‘നയനും ഞാനും അപ്പയും അമ്മയുമായി’ എന്നാണ് ചിത്രത്തോടൊപ്പം വിഘ്നേഷ് കുറിച്ചത്. ‘ഇരട്ട ആണ്കുഞ്ഞുങ്ങളാല് ഞങ്ങള് അനുഗൃഹീതരായി. ഞങ്ങള് പ്രാര്ത്ഥനകളും പൂര്വ്വികരുടെ അനുഗ്രഹങ്ങളും ചേര്ന്ന് രണ്ട് കുഞ്ഞുങ്ങളുടെ രൂപത്തില് അതിന്റെ സാക്ഷാല്ക്കാരമുണ്ടായി. ഞങ്ങളുടെ ജീവനും ലോകവുമായ കുഞ്ഞുങ്ങള്ക്ക് നിങ്ങളുടെ എല്ലാ അനുഗ്രഹങ്ങളും വേണം.’ നയന്താര ട്വിറ്ററില് കുറിച്ചു.
നയന്താരയും സംവിധായകന് വിഘ്നേഷ് ശിവനും തമ്മിലുളള വിവാഹം ജൂണ് ഒന്പതിനായിരുന്നു.മഹാബലിപുരത്തെ റിസോര്ട്ടില് നടന്ന വിവാഹത്തില് .ഷാരൂഖ് ഖാന്,രജനീകാന്ത്, ശരത്കുമാര്, കാര്ത്തി, ദിലീപ്, ദിവ്യദര്ശനി, എ.എല്.വിജയ് ,ശരത്കുമാര്, ബോളിവുഡ് നടി കത്രീന കൈഫ് തുടങ്ങിയവര് പങ്കെടുത്ത കല്യാണം വലിയ വാര്ത്താ പ്രാധാന്യവും നേടി. വിവാഹശേഷം ദമ്പതികള് ചെട്ടികുളങ്ങര ക്ഷേത്രത്തില് തൊഴാന് വന്നതും ഹണിമൂണിന് തായ്ലാന്റില് പോയതും വാര്ത്തയായി.
