ജീവിതത്തിലും സിനിമയിലും ഫഹദ്-നസ്രിയ ദമ്പതികള്ക്കിടിയിലുള്ള രസതന്ത്രം ആസ്വദിക്കുന്നവരാണ് മലയാളികള്. ഇരുവരും ഒന്നിച്ചു അഭിനയിച്ചപ്പോഴെല്ലാം ഇരുകൈയും നീട്ടി പ്രേക്ഷകര് സ്വീകരിച്ചിട്ടും ഉണ്ട്. മലയാളത്തില് മാത്രമല്ല തെന്നിന്ത്യയില് മുഴുവന് ഈ താര ദമ്പതികള്ക്ക് ആരാധകര് ഏറെയാണ്. ഇരുവരും ഒന്നിച്ച് അഭിനയിച്ച പുതിയ വിഡീയോയാണ് ഇപ്പോള് സോഷ്യല് മീഡിയയിലെ സംസാര വിഷയം.
‘ലൗവ് ഹാസ് മെനി ഫ്ളേവേഴ്സ്’ എന്ന ടാഗ്-ലൈനോടെ പുറത്തിറങ്ങിയ വിഡീയോസ് ഇതിനോടകം വൈറലായി കഴിഞ്ഞു. ‘ട്രാന്സ്’ സിനിമയ്ക്കു ശേഷം ഫഹദും നസ്രിയയും സ്ക്രീനില് വീണ്ടും ഒന്നിച്ചപ്പോള് ആവേശത്തോടെയാണ് ആരാധകര് അതിനെ ഏറ്റെടുത്തിരിക്കുന്നത്.
ഇരുവരും ഒന്നിച്ചു അഭിനയിച്ച സൂപ്പര്ഹിറ്റ് ചിത്രം ബാംഗ്ലൂര് ഡേയ്സിലെ ദിവ്യ-ശിവ കഥാപാത്രങ്ങളോടു താരതമ്യപ്പെടുത്തിയുള്ള ചര്ച്ചകളും സോഷ്യല് മീഡിയയില് തുടങ്ങി കഴിഞ്ഞു. ഇത് സിനിമയാണോ, ഷോര്ട്ട് ഫിലിമാണോ, വെബ് സീരിയസാണോ, പരസ്യചിത്രമാണോ, സോഷ്യല് മീഡിയ ക്യാപയനിങാണോ എന്ന കണ്ഫ്യൂഷനിലാണ് ആരാധകര്. സെപ്റ്റംബര് 21 നു പുറത്തിറങ്ങിയ ആദ്യ വിഡീയോ ഇതിനോടകം ഒരു മില്യണ് കാഴ്ചക്കാരുമായി ട്രെന്ഡിങായി തുടരുന്നു.
കഴിഞ്ഞ ദിവസം പുറത്തിറങ്ങിയ ‘കോള്ഡ് വാര്’ എന്ന രണ്ടാമാത്തെ വിഡിയോയ്ക്കും മികച്ച പ്രതികരണങ്ങളാണ് യൂട്യൂബില് നിന്ന് ലഭിക്കുന്നത്. കൂടുതല് വിഡീയോകള് വരുമെന്ന സൂചനയാണ് അണിയറ പ്രവര്ത്തകര് നല്കുന്നത്. ആദ്യ വിഡീയോയില് ഇരുവരും ദേഷ്യത്തിലാണെങ്കില് രണ്ടാമാത്തെ വിഡീയോയില് ദേഷ്യം അലിഞ്ഞു ശീതസമരത്തിലേക്കു വഴിമാറുന്നുണ്ട്. അടുത്ത വിഡീയോയ്ക്കു വേണ്ടി ആകാംക്ഷയോടെ കാത്തിരിക്കുകയാണ് പ്രേക്ഷകര്. എന്തായാലും താര ജോഡികളെ ഏറെകാലത്തെ ഇടവേളയ്ക്കു ശേഷം സ്ക്രീനില് ഒരിമിച്ചു കാണാന് കഴിഞ്ഞതിന്റെ ആഹ്ലാദത്തിലാണ് ചലച്ചിത്ര പ്രേമികള്.
