കൊച്ചി: വൈശ്യ കുലഗുരു ഹള്ദ്ദിപൂര് ശാന്താശ്രമ മഠാധിപതി ശ്രീശ്രീ വാമനാശ്രം സ്വാമി, ആദി ശങ്കരാചാര്യ ജന്മഭൂമിയായ കാലടിയില് നിന്ന് കാശിവരെ ശാങ്കര ഏകാത്മതാ പാദയാത്ര നടത്തുന്നു. വിജയദശമിദിനമായ 5ന് കാലടിയില്നിന്ന് വൈകിട്ട് 3.30ന് ആരംഭിച്ച് 2023 ഏപ്രില് 23ന് അക്ഷയത്രിതീയ ദിനത്തില് അവസാനിക്കുന്ന തരത്തില്, 3000 കിലോമീറ്റര് പാദയാത്രയാണ് വിഭാവനം ചെയ്തിട്ടുള്ളതെന്ന് ഭാരവാഹികള് പത്രസമ്മേളനത്തില് അറിയിച്ചു.
കേരളത്തില് എറണാകുളം, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലകളിലൂടെ 420 കിലോമീറ്റര് സഞ്ചരിച്ച് കര്ണാടകയില് പ്രവേശിച്ച് ഗോവ, മഹാരാഷ്ട്ര, മധ്യപ്രദേശ്, എന്നീ സംസ്ഥാനങ്ങളിലൂടെ ഉത്തര് പ്രദേശിലെ കാശിയില് എത്തിച്ചേരും. പത്രസമ്മേളനത്തില് കേരള വൈശ്യസമാജ് പ്രസിഡന്റ് എം.എന്. മുരളീധര്, ശാങ്കര ഏകാത്മതാ പാദയാത്ര കോര്ഡിനേഷന് സെക്രട്ടറിമാരായ പ്രിയ പ്രശാന്ത്, പ്രകാശ്, കണ്വീനര് ബിജു, ജോയിന്റ് സെക്രട്ടറി അനുദാസ് എന്നിവര് പങ്കെടുത്തു.
