ശ്രീനഗര് : ജമ്മു കശ്മീരില് രണ്ട് സ്ഥലങ്ങളില് സുരക്ഷാ ഭീകരരുമായി ഏറ്റുമുട്ടല് തുടരുന്നതായി റിപ്പോര്ട്ട്. ബാരമുള്ള ജില്ലയിലെ യെദിപോര, ഷോപ്പിയാനിലെ ചിത്രഗം എന്നിവിടങ്ങളിലാണ് ഏറ്റുമുട്ടല് തുടരുന്നത്. പ്രദേശത്ത് ഭീകരരുടെ സാന്നിധ്യമുള്ളതായി വിവരം ലഭിച്ചതിന്റെ അടിസ്ഥാനത്തില് തെരച്ചില് നടത്തുന്നതിനിടെ സൈന്യത്തിന് നേരെ ഇവര് വെടിയുതിര്ക്കുകയായിരുന്നു. തുടര്ന്ന് സൈന്യം തിരിച്ചടിച്ചു.
ജമ്മു കാശ്മീരിലെ ഉധംപൂരില്നടന്ന ഇരട്ട സ്ഫോടനങ്ങളുമായി ബന്ധപ്പെട്ട് ദേശീയ അന്വേഷണ ഏജന്സി അന്വേഷണം നടത്തുകയാണ്. അതിനിടെയാണ് അടുത്ത ആക്രമണം കൂടി റിപ്പോര്ട്ട് ചെയ്തിരിക്കുന്നത്. ബാരാമുള്ളയിലും ഷോപ്പിയാനിലും ഏറ്റുമുട്ടല് തുടരുന്നുവെന്നതല്ലാതെ വിശദാംശങ്ങളൊന്നും പുറത്തുവന്നിട്ടില്ല.
കഴിഞ്ഞ ദിവസം ഉധംപൂരില് രണ്ട് ബസുകളിലായി നടന്ന സ്ഫോടനത്തില് രണ്ട് പേര്ക്കാണ് പരിക്കേറ്റത്. പരിക്ക് സാരമുള്ളതല്ലെങ്കിലും വളരെ ഗൗരവത്തോടെയാണ് സ്ഫോടനത്തെ നോക്കിക്കാണുന്നത്. പ്രദേശത്ത് കര്ശ്ശന നിരീക്ഷണം ഏര്പ്പെടുത്തിയിരിക്കുകയാണ്.
