തിരുവനന്തപുരം: ദേശീയ കായിക ദിനത്തില് കേന്ദ്ര യുവജനകാര്യ, കായിക മന്ത്രാലയത്തിന് കീഴിലുള്ള സ്പോര്ട്സ് അതോറിറ്റി ഓഫ് ഇന്ത്യ തിരുവനന്തപുരത്തെ പള്ളിപ്പുറം കേന്ദ്രീയ വിദ്യാലയത്തില് മീറ്റ് ദി ചാമ്പ്യന് പരിപാടി സംഘടിപ്പിച്ചു. കോമണ്വെല്ത്ത് ഗെയിംസില് ലോങ്ജമ്പില് വെള്ളിമെഡല് നേടിയ ശ്രീശങ്കര് മുരളി ചടങ്ങില് മുഖ്യാതിഥിയായി. വിദ്യാര്ത്ഥികളുമായി സംവദിക്കവേ ആരോഗ്യകരമായ ഭക്ഷണക്രമത്തിന്റെയും ശാരീരികക്ഷമതയുടെയും പ്രാധാന്യത്തെക്കുറിച്ച് ശ്രീശങ്കര് മുരളി വിശദീകരിച്ചു.
പ്രിന്സിപ്പല് കേന്ദ്രീയ വിദ്യാലയം ശ്രീമതി. സി. രാജി, സ്വാഗതം അര്പ്പിച്ചു. എച്ച് സി ലിംഗരാജ് ഡിഐജി (മെഡിക്കല്) സിആര്പിഎഫ്, പള്ളിപ്പുറം, ഡോ.ജി.കിഷോര് പ്രിന്സിപ്പല് & ഡയറക്ടര് സായി എല്.എന്.സി.പി.ഇ മറ്റു പ്രമുഖരും ചടങ്ങില് സന്നിഹിതരായിരുന്നു. കുമാര് കൃഷന് ഡി, വൈസ് പ്രിന്സിപ്പല്, കെ വി പള്ളിപ്പുറം നന്ദി രേഖപ്പെടുത്തി.
