കൊല്ലം: മുണ്ടയ്ക്കല് പാപനാശനം കടപ്പുറത്ത് കര്ക്കിടവാവിനോടനുബന്ധിച്ച് പിതൃതര്പ്പണകര്മ്മങ്ങള് 27, 28 തീയതികളില് നടക്കും. തന്ത്രി തടത്തില് മഠം ടി.കെ. ചന്ദ്രശേഖരന്സ്വാമിയുടെയും വിവിധ ക്ഷേത്രങ്ങളില് നിന്നും എത്തുന്ന ശാന്തിമാരുടെയും മുഖ്യകാര്മികത്വത്തിലാണ് ചടങ്ങുകള് നടക്കുക.
28ന് പുലര്ച്ചെ മൂന്നിന് ആരംഭിച്ച് വൈകിട്ട് അഞ്ചിന് തര്പ്പണം അവസാനിക്കും. ഇവിടെ എത്തുന്ന ഭക്തര്ക്ക് തിലഹവനഹോമം നടത്തുന്നതിന് പ്രത്യേകം പന്തലുണ്ടാകും. പിതൃക്കളെ സ്മരിച്ച് വൃക്ഷ തൈ നടുന്നതിനായി 25,000 വൃക്ഷ തൈകള് സൗജന്യമായി നല്കും. 27ന് വൈകിട്ട് പാപനാശനം ഗുരുദേവ മന്ദിരത്തില് എസ്എന്ഡിപി വനിത സംഘത്തിന്റെ പ്രാര്ത്ഥനയും തുടര്ന്ന് വൃക്ഷതൈ വിതരണം ഉദ്ഘാടനവും കലാപരിപാടികളും ഉണ്ടായിരിക്കും.
