ന്യൂദല്‍ഹി: പ്രശസ്ത കായികതാരം പി.ടി. ഉഷ ഇന്ന് രാജ്യസഭാംഗമായി സത്യപ്രതിജ്ഞ ചെയ്യും. രാവിലെ 11 മണിക്ക് രാജ്യസഭാ ഹാളില്‍ രാജ്യസഭാധ്യക്ഷന്‍ എം. വെങ്കയ്യ നായിഡുവിന്റെ സാന്നിധ്യത്തിലാണ് ചടങ്ങുകള്‍.
ഇന്നലെ പാര്‍ലമെന്റിലെത്തിയ പി.ടി. ഉഷ രാജ്യസഭാംഗത്വം സ്വീകരിക്കുന്നതുമായി ബന്ധപ്പെട്ട നടപടിക്രമങ്ങളെല്ലാം പൂര്‍ത്തിയാക്കി. തുടര്‍ന്ന് ബിജെപി ദേശീയ അധ്യക്ഷന്‍ ജെ.പി.നദ്ദയുമായും കേന്ദ്രമന്ത്രിമാരായ വി. മുരളീധരന്‍, പ്രഹ്ളാദ് ജോഷി, അര്‍ജ്ജുന്‍ മേഘ്വാള്‍ എന്നിവരുമായും കൂടിക്കാഴ്ച നടത്തി. ഭര്‍ത്താവ് വി. ശ്രീനിവാസനും ഒപ്പമുണ്ടായിരുന്നു.
രാജ്യത്തിന്റെ അഭിമാനമായ പി.ടി. ഉഷയെ ഇന്ത്യന്‍ പാര്‍ലമെന്റിലേക്ക് സ്വാഗതം ചെയ്യുന്നതായി കേന്ദ്രപാര്‍ലമെന്ററികാര്യസഹമന്ത്രി വി. മുരളീധരന്‍ പറഞ്ഞു. സത്യപ്രതിജ്ഞയ്‌ക്ക് മുന്നോടിയായുള്ള നടപടിക്രമങ്ങള്‍ മന്ത്രി നിയുക്ത എംപിക്ക് വിശദീകരിച്ചു.
പ്രതികരിക്കാൻ ഇവിടെ എഴുതുക: