തിരുവനന്തപുരം: കേരളത്തില് വരും മണിക്കൂറുകളില് മഴയ്ക്ക് സാധ്യത. ഇന്ന് രാത്രി 10 മണിവരെയുള്ള അറിയിപ്പിലാണ് എല്ലാ ജില്ലകളിലും ഒറ്റപ്പെട്ട മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചത്. നിലവില് കണ്ണൂര്, കാസര്കോട് ജില്ലകളില് നേരത്തെ പുറപ്പെടുവിച്ച പ്രകാരം യെല്ലോ അലര്ട്ട് തുടരുകയാണ്.
നാളെ മലപ്പുറം, കണ്ണൂര്, കാസര്കോട് ഉള്പ്പെടെയുള്ള മൂന്നു ജില്ലകള്ക്കാണ് യെല്ലോ അലര്ട്ട് പ്രഖ്യാപ്പിച്ചിരിക്കുന്നത്. അതേസമയം സംസ്ഥാനത്ത് 22ാം തീയതി വരെ മഴ സാധ്യത തുടരുമെന്നും കാലാവസ്ഥ വകുപ്പ് വ്യക്താക്കി. അറബിക്കടലിലെ ശക്തി കൂടിയ ന്യൂനമര്ദ്ദം ദുര്ബലമായതും വടക്കു കിഴക്കന് വിദര്ഭക്കും സമീപ പ്രദേശത്തിനും മുകളില് മറ്റൊരു ന്യുനമര്ദ്ദം നിലനില്ക്കുന്നതും മണ്സൂണ് പാത്തി അതിന്റെ സാധാരണ സ്ഥാനത്തു നിന്ന് വടക്കോട്ട് മാറിയിരിക്കുന്നിന്റെയും ഫലമായി 22 വരെ ഒറ്റപ്പെട്ട സ്ഥലങ്ങളില് ശക്തമായ മഴക്ക് സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിച്ചു.
