കൊല്ലം: കിളികൊല്ലൂർ സ്വദേശിയായ യവാവിന് അയര്ലണ്ടില് നിന്നും ജീവിതസഖി. കിളികൊല്ലൂര് പ്രിയദര്ശിനി നഗറില് കാര്ത്തികയില് അമൃതദത്തിന്റെയും സുനിയുടെയും മകന് വിഷ്ണുദത്തിനാണ് അയര്ലണ്ടുകാരിയായ ക്ലോയിസോഡ്സ് ജീവിതസഖിയായത്. വിഷ്ണു എംബിഎയ്ക്ക് പഠിക്കാന് അയര്ലണ്ടില് മൂന്നുകൊല്ലം മുമ്പ് പോയതാണ്. അവിടെ ഒരു സ്ഥാപനത്തില് ജോലി കൂടി ചെയ്യുമ്പോഴാണ് ക്ലോയിസോഡ്സുമായി പ്രണയത്തിലായത്.
വിഷ്ണുവിന്റെ സഹോദരി പൂജാ ദത്തിന്റെ വിവാഹം ഞായറാഴ്ചയായിരുന്നു. സഹോദരിയുടെ വിവാഹത്തില് പങ്കെടുക്കാന് വിഷ്ണുവിനൊപ്പം ക്ലോയിയും വന്നിരുന്നു. ഇന്നലെ ഇരുവരും കൊല്ലം കിളികൊല്ലൂര് രജിസ്ട്രാര് ഓഫീസില് രക്ഷകര്ത്താക്കളുടെ സാന്നിധ്യത്തില് വിവാഹം രജിസ്റ്റര് ചെയ്തു.
അയര്ലണ്ടില് ഇവരുടെ വിവാഹം രജിസ്റ്റര് ചെയ്തശേഷമാണ് ഇവിടെ എത്തിയതെന്ന് വിഷ്ണു പറഞ്ഞു.
