ചെന്നൈ: കോണ്‍ഗ്രസിന്റെ സീനിയര്‍ നേതാവ് പി. ചിദംബരത്തിന്റെ മകന്‍ കാര്‍ത്തി ചിദംബരത്തിന്റെ ചെന്നൈയിലെ വീട്ടില്‍ സിബി ഐ റെയ് ഡ് നടത്തി. വീട്ടിലെ ഒരു അലമാര സിബി ഐ സീല്‍ ചെയ്തിരിക്കുകയാണ്.
250 ചൈനക്കാര്‍ക്ക് 50 ലക്ഷം രൂപ കൈക്കൂലി വാങ്ങി അനധികൃതമായി ഇന്ത്യയില്‍ തങ്ങാന്‍ വിസ നല്‍കിയ കേസുമായി ബന്ധപ്പെട്ടാണ് സിബി ഐ റെയ്ഡ്. 2011ല്‍ പി. ചിദംബരം ഇന്ത്യയുടെ ആഭ്യന്തരമന്ത്രിയായിരിക്കെയാണ് ചൈനക്കാര്‍ക്ക് അനധികൃതമായി വിസ നല്‍കിയത്.
ചൈനക്കാര്‍ക്ക് വിസ നല്‍കിയ കേസ് ഇപ്പോള്‍ ദല്‍ഹി ഹൈക്കോടതിയുടെ പരിഗണനയിലാണ്. മുന്‍കൂര്‍ ജാമ്യം തേടി ഈ കേസില്‍ കാര്‍ത്തി ചിദംബരം ദല്‍ഹി ഹൈക്കോടതിയെ സമീപിച്ചിരുന്നു. ജൂണ്‍ 12 വരെ കോണ്‍ഗ്രസ് നേതാവിനെതിരെ നടപടിയെടുക്കില്ലെന്ന് ഇഡി ദല്‍ഹി ഹൈക്കോടതിയില്‍ വാക്ക് നല്‍കിയിരുന്നു. ജൂലായ് 12 വരെ കേസിന്റെ വാദം കേള്‍ക്കല്‍ നീട്ടിയിരിക്കുകയാണ്.
പ്രതികരിക്കാൻ ഇവിടെ എഴുതുക: