ന്യൂദല്‍ഹി: മുഹമ്മദ് നബിക്കെതിരെയുള്ള പ്രസ്താവനയില്‍ ഇന്ത്യയ്‌ക്കെതിരെ അക്രമം നടത്തുമെന്ന് ഇസ്ലാമിക് സ്റ്റേറ്റ്. ഐഎസിന്റെ ഉപവിഭാഗമായ ഇസ്ലാമിക് സ്റ്റേറ്റ് ഓഫ് കൊറസാനാണ് ഭീഷണി മുഴക്കിയിരിക്കുന്നത്. കൊരസാന്‍ ഡെയ്‌ലി എന്ന പോര്‍ട്ടലിലൂടെയാണ് ഭീഷണി.
ഇന്ത്യയ്‌ക്കും ഹിന്ദുക്കള്‍ക്കുമെതിരെ പ്രതികാരം വീട്ടുമെന്നുള്‍പ്പെടെ പുറത്തിറക്കിയ 55 പേജുള്ള ലഘുലേഘയില്‍ ഐഎസ് പറയുന്നു. ഇന്ത്യയുമായി ബന്ധം സ്ഥാപിക്കാന്‍ ശ്രമിക്കുന്ന അഫ്ഗാനിസ്ഥാനിലെ താലിബാന്‍ സര്‍ക്കാരിനെയും രൂക്ഷമായി വിമര്‍ശിക്കുന്നുണ്ട്. അഫ്ഗാന്‍ പ്രതിരോധ മന്ത്രി മുല്ല യാഖൂബ് ഇന്ത്യന്‍ ടിവി ചാനലിന് അഭിമുഖം നല്‍കിയതും ധനമന്ത്രി അമീര്‍ മുത്താഖി ഇന്ത്യയുടെ അഫ്ഗാനിസ്ഥാനിലെ പ്രതിനിധിയുമായി കൂടിക്കാഴ്ച നടത്തിയതിനെതിരേയും ലഘുലേഖയില്‍ പരാമര്‍ശമുണ്ട്.
ഭീകരസംഘടനയായ ഐഎസിന്റെ മധ്യേഷ്യന്‍ വിഭാഗമാണ് ഐസ് ഖൊറസാന്‍ പ്രോവിന്‍സ്. നേരത്തേ ഡല്‍ഹി, മുംബൈ എന്നീ നഗരങ്ങളിലും ഗുജറാത്ത്, യുപി എന്നീ സംസ്ഥാനങ്ങളിലും ഭീകരാക്രമണം നടത്തുമെന്ന് അല്‍ ഖായിദയും ഭീഷണി മുഴക്കിയിരുന്നു.
പ്രതികരിക്കാൻ ഇവിടെ എഴുതുക: