തിരുവനന്തപുരം: വിവാഹദിനത്തില് മന്ത്രി റിയാസ് പങ്ക് വെച്ച പോസ്റ്റിന് മറുപടിയുമായി യൂത്ത് കോണ്ഗ്രസ് നേതാവ് ചാണ്ടി ഉമ്മന്.’ഞങ്ങളുടേത് മാറിനേറ്റ് ചെയ്ത് വേവിച്ച ഇറച്ചി(ഉപ്പിലിട്ടത്)ആയിരുന്നു. അതുകൊണ്ട് കുഴപ്പമില്ല’ എന്നുമാണ് അദ്ദേഹം കമന്റ് ചെയ്തത്.വിവാഹവാര്ഷിക ദിനമായ ഇന്ന് മന്ത്രി റിയാസ് തന്റെ ഭാര്യ വീണയ്ക്ക് വിവാഹവാര്ഷികം ആശംസിച്ചുകൊണ്ട് ഫെയ്സ്ബുക്കില് പോസ്റ്റിട്ടിരുന്നു.
പോസ്റ്റില് പറയുന്നത്’ ഇന്ന് വിവാഹ വാര്ഷികം….അസംബന്ധ പ്രചാരണങ്ങള് സൃഷ്ടിക്കാവുന്ന, ജീവനുളള മനുഷ്യന്റെ പച്ച മാംസം കടിച്ചു തിന്നുമ്പോള് അനുഭവിക്കേണ്ട വേദനയെ, വര്ഷങ്ങളായി പുഞ്ചിരിയോടെ നേരിടുന്ന എന്റെ പ്രിയപ്പെട്ടവള്ക്ക്’ എന്ന അടിക്കുറിപ്പോടെയാണ് വീണയ്ക്കൊപ്പമുളള ചിത്രം റിയാസ് പങ്കുവെച്ചത്.
സോഷ്യല് മീഡിയയില് പോസ്റ്റ് വൈറല് ആയതോടെയാണ് ചാണ്ടി ഉമ്മന് കമന്റുമായി രംഗത്ത് എത്തിയത്.മന്ത്രി റിയാസിന്റെ പോസ്റ്റിന് താഴെ കോണ്ഗ്രസ് സംസ്ഥാന ഉപാദ്ധ്യക്ഷന് റിജില് മാക്കുറ്റിയും കമന്റിട്ടിട്ടുണ്ടായിരുന്നു.’ ഉമ്മന്ചാണ്ടി സാറിനും ഒരു കുടുംബം ഉണ്ടായിരുന്നു,അവരുടെ കുടുംബത്തെ പച്ചയായി കൊത്തിവലിക്കുന്നതില് താങ്കളും മുന്നില് തന്നെ ഉണ്ടായിരുന്നു’ എന്നാണ് റിജില് പോസ്റ്റ് ചെയ്തത്.കഴിഞ്ഞ ജൂണ് 15നായിരുന്നു മുഹമ്മദ് റിയാസും, മുഖ്യമന്ത്രിയുടെ മകള് വീണയും തമ്മിലുളള വിവാഹം ക്ലിഫ് ഹൗസില് വെച്ച് നടന്നത്.
