തിരുവനന്തപുരം: സ്വര്ണ്ണക്കള്ളക്കടത്ത് കേസില് ആരോപണവിധേയനായ മുഖ്യമന്ത്രി പിണറായി വിജയന് രാജിവെക്കണം എന്നാവശ്യപ്പെട്ട് ബിജെപി സംസ്ഥാനത്തെ എല്ലാ ജില്ലാ കേന്ദ്രങ്ങളിലും ഇന്നും നാളെയും (ജൂണ്10,11) സായാഹ്ന ധര്ണകള് സംഘടിപ്പിക്കും. തിരുവനന്തപുരത്ത് നടക്കുന്ന ധര്ണ സംസ്ഥാന അദ്ധ്യക്ഷന് കെ.സുരേന്ദ്രന് ഉദ്ഘാടനം ചെയ്യും.
സ്വപ്ന സുരേഷ് കോടതിയില് രഹസ്യമൊഴി രേഖപ്പെടുത്തിയതോടെ സ്വര്ണ്ണക്കടത്ത് കേസിന്റെ അന്വേഷണം തടയാനാണ് സര്ക്കാര് നീക്കമെന്ന് സുരേന്ദ്രന് പറഞ്ഞു. മുഖ്യമന്ത്രി അധികാരത്തിലിരിക്കുന്ന കാലത്തോളം കേസ് തെളിയില്ല. സ്ഥാനം രാജിവെച്ച് അന്വേഷണത്തോട് സഹകരിക്കാന് അദ്ദേഹം തയ്യാറാകണം. പി.സി ജോര്ജിനും സ്വപ്നയ്ക്കും എതിരെ കേസ് എടുക്കാനുള്ള തീരുമാനം പിണറായി വിജയന്റെ ഭീരുത്വത്തിന് തെളിവാണെന്നും അദ്ദേഹം പറഞ്ഞു.
10ന് ആലപ്പുഴ നടക്കുന്ന പരിപാടി സംസ്ഥാന വൈസ്പ്രസിഡന്റ് ഡോ.കെഎസ് രാധാകൃഷ്ണന് ഉദ്ഘാടനം ചെയ്യും. 11 ന് കൊല്ലം, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് നടക്കുന്ന ധര്ണകള് പ്രൊഫ. വിടി രമ, ബി.ഗോപാലകൃഷ്ണന്, ജോര്ജ് കുര്യന്, എഎന് രാധാകൃഷ്ണന്, പികെ കൃഷ്ണദാസ്, പി.സുധീര്, സി.കൃഷ്ണകുമാര്, എംടി രമേശ്, വിവി രാജന്, സികെ പദ്മനാഭന്, എപി അബ്ദുള്ളക്കുട്ടി എന്നിവര് ഉദ്ഘാടനം ചെയ്യും.
