ബ്യൂണെസ് ഐയറിസ്: മുന്‍ അര്‍ജന്റീന താരം കാര്‍ലോസ് ടെവെസ് ഫുട്‌ബോളില്‍ നിന്നും വിരമിച്ചു. കഴിഞ്ഞ വര്‍ഷം ബോക ജൂനിയോഴ്‌സ് ക്ലബ് വിട്ടതിന് ശേഷം താരം എവിടെയും കളിച്ചിരുന്നില്ല.
തന്റെ ഫുട്‌ബോള്‍ കരിയര്‍ അവസാനിപ്പിക്കുകയാണെന്നും ഇനി കുടുംബത്തോടൊപ്പം ചിലവഴിക്കാന്‍ ആഗ്രഹിക്കുന്നതായും അദ്ദേഹം പറഞ്ഞു. ഇനിയും ഓഫറുകള്‍ വരുന്നുണ്ടെങ്കിലും ഇനിയും ഫുട്‌ബോള്‍ കളിക്കാന്‍ ആഗ്രഹിക്കുന്നില്ലെന്നും, ഫുട്‌ബോളിനായി എല്ലാം നല്കിയെന്നും അദ്ദേഹം പറഞ്ഞു.
38 കാരനായ അദ്ദേഹം മുമ്പ് മാഞ്ചസ്റ്റര്‍ യുണൈറ്റഡ്, മാഞ്ചസ്റ്റര്‍ സിറ്റി, കൊറിയന്തസ്, യുവന്റ്‌സ് എ്ന്നീ ക്ലബുകളില്‍ എല്ലാം തന്നെ കളിച്ചിട്ടുണ്ട്. േേബാക ജൂനിയേഴ്‌സിനൊപ്പം 11 കിരീടങ്ങള്‍ നേടിയിട്ടുണ്ട്. മാഞ്ചസ്റ്റര്‍ യുണൈറ്റഡിനായി ചാമ്പ്യന്‍സ് ലീഗ് അടക്കം ആറ് കിരീടങ്ങള്‍ നേടി. മാഞ്ചസ്റ്റര്‍ സിറ്റിയെ ആദ്യ പ്രീമിയര്‍ ലീഗ് കിരീടത്തില്‍ എത്തിക്കാനും ടെവസിനായി. ഇറ്റലിയിലും അദ്ദേഹം ലീഗ് കിരീടങ്ങള്‍ നേടി. അര്‍ജന്റീനയ്‌ക്കായി 76 മത്സരങ്ങളും ടെവസ് കളിച്ചിട്ടുണ്ട്.
