തിരുവനന്തപുരം: ഇത്തവണ കേരളത്തില് ലഭിക്കുന്ന കാലവര്ഷം മുന്വര്ഷങ്ങളെ അപേഷിച്ച് കുറയും. കേന്ദ്ര കാലാവസ്ഥ വകുപ്പിന്റെ പുതുക്കിയ മണ്സൂണ് (ജൂണ്-സെപ്റ്റംബര്) പ്രവചന ഈ അറിയിപ്പ്. കാലവര്ഷം ഔദ്യോഗികമായി കേരളം മുഴുവന് വ്യാപിച്ച് കര്ണാടകയില് പ്രവേശിച്ചതായും കേന്ദ്ര കാലാവസ്ഥാ വകുപ്പ് അറിയിച്ചു.
കേരളത്തില് ഇന്നു മുതല് ജൂണ് നാലുവരെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ ശക്തമായ മഴയ്ക്ക് സാധ്യതയുണ്ട്. എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ഉള്പ്പെടെയുള്ള എട്ടു ജില്ലകളിലാണ് യെലോ അലര്ട്ട് പ്രഖ്യാപിച്ചിട്ടുള്ളത്.
അതേസമയം, കേരള ലക്ഷദ്വീപ് തീരങ്ങളില് ഇന്നും നാളെയും മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് പ്രദേശങ്ങളില് മല്സ്യബന്ധനത്തിന് പോകാന് പാടുള്ളതല്ലെന്നും അറിയിപ്പുണ്ട്.
