തിരുവനന്തപുരം:
ഒറ്റപ്പെട്ടയിടങ്ങളിൽ അതിതീവ്ര മഴയ്ക്കുള്ള സാധ്യത മുൻനിർത്തി എറണാകുളം, ഇടുക്കി ജില്ലകളിൽ കേന്ദ്ര കാലാവസ്ഥാ വകുപ്പ് ഇന്ന്(14 മേയ്) റെഡ് അലേർട്ട് പ്രഖ്യാപിച്ചു.
ഒറ്റപ്പെട്ടയിടങ്ങളിൽ അതിശക്തമായ മഴയ്ക്കു സാധ്യതയുള്ളതിനാൽ തിരുവനന്തപുരം, തൃശൂർ, കൊല്ലം, പത്തനംതിട്ട, കോട്ടയം, ആലപ്പുഴ ജില്ലകളിൽ ഇന്നും(14 മേയ്), കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി ജില്ലകളിൽ നാളെയും(15 മേയ്), തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി ജില്ലകളിൽ മറ്റന്നാളും(16 മേയ്) ഓറഞ്ച് അലേർട്ട് പ്രഖ്യാപിച്ചു.
ശക്തമായ മഴപെയ്യാനിടയുള്ളതിനാൽ ഇന്ന്(14 മേയ്) മലപ്പുറം, കോഴിക്കോട് ജില്ലകളിലും നാളെ(15 മേയ്) തിരുവനന്തപുരം, തൃശൂർ, മലപ്പുറം, കോഴിക്കോട്, വയനാട് ജില്ലകളിലും മറ്റന്നാൾ(16 മേയ്) തൃശൂർ, മലപ്പുറം, കോഴിക്കോട്, വയനാട് ജില്ലകളിലും 17ന് തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി, തൃശൂർ, മലപ്പുറം, കോഴിക്കോട്, വയനാട് ജില്ലകളിലും 18ന് തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി, തൃശൂർ ജില്ലകളിലും യെല്ലോ അലേർട്ടും പ്രഖ്യാപിച്ചു.
മഴ ശക്തിപ്രാപിക്കുന്ന സാഹചര്യത്തില് എല്ലാ ജില്ലകളിലും കരുതല് നടപടികള് ശക്തിപ്പെടുത്താന് ജില്ലാ കലക്ടര്മാര് പ്രത്യേക ശ്രദ്ധ പുലര്ത്തണമെന്ന് മഴ സാധ്യതയുടെ പശ്ചാതത്തലത്തില് ചീഫ് സെക്രട്ടറി വിളിച്ച യോഗം നിര്ദ്ദേശിച്ചു
പ്രശ്ന സാധ്യതാ സ്ഥലങ്ങളില് പ്രത്യേക അലര്ട്ട് സംവിധാനം ഉണ്ടാക്കണം. 24 മണിക്കൂറും പ്രവര്ത്തിക്കുന്ന കണ്ട്രോള് റൂം പ്രവര്ത്തനം ആരംഭിച്ചിട്ടുണ്ട്. വെള്ളം കയറുന്ന സ്ഥലത്ത് നിന്ന് പമ്പ് ചെയ്തു വെള്ളം കളയാനുള്ള സംവിധാനം സജ്ജമാക്കണ
മണ്ണിടിച്ചില്, വെള്ളപ്പൊക്ക സാധ്യതയുള്ള സ്ഥലങ്ങളില് നിന്ന് ആളുകളെ മാറ്റിപ്പാര്പ്പിക്കണം. വേണ്ടിവന്നാല് ക്യാമ്പ് ആരംഭിക്കണം. ഇവിടങ്ങളില് ഭക്ഷണം, കുടിവെള്ളം ഉള്പ്പെടെയുള്ള അടിസ്ഥാന സൗകര്യങ്ങള് ഉറപ്പാക്കണം. തുടങ്ങിയവയാണ് യോഗത്തിലെ മറ്റ് പ്രധാന തീരുമാനങ്ങള്
