തിരുവനന്തപുരം: മഹാകാലഭൈരവ അഖാഡയുടെ ഏകോപനത്തില് ഭാരതത്തിലെ മഹാശക്തിപീഠങ്ങള് ഒന്നിക്കുന്ന, നൂറ്റാണ്ടിലെ ആദ്യ മഹാകാളികായാഗത്തിന് തിരിതെളിഞ്ഞു. വെങ്ങാനൂര് ചാവടിനട പൗര്ണ്ണിക്കാവിലെ യാഗഭൂമിയില് അരണികടഞ്ഞ് അഗ്നിയെടുത്താണ് യാഗത്തിരി തെളിച്ചത്. ഇനി പത്തുനാള് പൗര്ണമിക്കാവ് ‘ഓം കാളി…, മഹാകാളി…’ മന്ത്രങ്ങളാല് മുഖരിതം. അഘോരി സംന്യാസിമാരും ആചാര്യശ്രേഷ്ഠരും യാഗജ്ഞരാകുന്ന പുണ്യം നാടേറ്റുവാങ്ങും. Â Â
കാലഭൈരവ അഖാഡ ചീഫ് ജനറല് സെക്രട്ടറി ആനന്ദ് നായരെ ഇന്നലെ ആചാര്യന്മാര് മഹായാഗ ബ്രഹ്മനായി അഭിഷേകം നടത്തി അവരോധിച്ചു. നിരവധി ഹോമങ്ങളിലും മഹായാഗങ്ങളിലും സംയോജകനും, ബ്രഹ്മജ്ഞനുമായി ദൈവഹിതമറിഞ്ഞ തനിക്ക് ഇത് മുജ്ജന്മ സുകൃതവും ഗുരുപരമ്പരയുടെ കടാക്ഷവുമെന്ന് ആനന്ദ് നായര് ‘ജന്മഭൂമി’യോട് പറഞ്ഞു.
ഇന്നലെ രാവിലെ 6.30ന് അരണി കടഞ്ഞ് അഗ്നി എടുത്ത ശേഷം അഗ്നിപൂജ നടന്നു. തുടര്ന്ന് ഗണപതി പൂജ, പരശുരാമ അനുമതി പൂജ, ലക്ഷ്മി നാരായണസമേത ഭൂമിപൂജ, ബലരാമപൂജ, യാഗബ്രഹ്മ അവരോധനപൂജ, യാഗഭൂമിഖനനം എന്നിവ നടന്നു. വാഴൂര് തീര്ത്ഥപാദാശ്രമം മഠാധിപതി പ്രജ്ഞാനാനന്ദ തീര്ത്ഥയാണ് യാഗത്തിന് ആദ്യതിരി തെളിയിച്ചത്.
ÂÂ
യാഗാരംഗത്തിന്റെ ഭാഗമായി 64 യോഗിനി മാതാക്കളുടേയും, 51 ശക്തിപീഠങ്ങളുടേയും, 51 അക്ഷരദേവതകളുടേയും സങ്കല്പ്പ ഇഷ്ടികപൂജ നടത്തി. തുടര്ന്ന് ഗരുഡപൂജ, യാഗകുണ്ഠ നിര്മ്മാണ ആരംഭം, മഹാകാളികായന്ത്ര കലശപീഠ നിര്മ്മാണ ആരംഭം എന്നിവ ആചാര്യന്മാരുടെ നേതൃത്വത്തില് നടന്നു. 10ന് ജഗദ്ഗുരു ശങ്കരാചാര്യ ജയന്തി സങ്കല്പ പുഷ്പ സമര്പ്പണം നടത്തി. മഹായതിപൂജയില് കേരളം, തമിഴ്നാട്, കര്ണാടക, ആന്ധ്ര, മധ്യപ്രേദേശ് എന്നിവിടങ്ങളിലെ ആശ്രമങ്ങളില് നിന്നും ശക്തിപീീങ്ങളില് നിന്നുമായി 130 സംന്യാസിമാര് പാദപൂജ ഏറ്റുവാങ്ങി, യാഗശാലയ്ക്ക് അനുഗ്രഹമേകി. വാസ്തുബലി, വാസ്തുപൂജ, വാസ്തുഹോമം, സുബ്രഹ്മണ്യപൂജ,ആഞ്ജനേയപൂജ എന്നിവ യാഗശാലയില് പ്രധാനപൂജകളായി.
പഞ്ചലോഹത്തില് നിര്മ്മിച്ച ആറരയടി പൊക്കമുള്ള, 1200 കിലോ ഭാരമുള്ള ഏറ്റവും വലിയ ദേവീ വിഗ്രഹമാണ് പൗര്ണ്ണമിക്കാവിലെ യാഗശാലയില് പ്രതിഷ്ഠിച്ചിരിക്കുന്നത്.
വ്യാഴാഴ്ച ശ്രീപത്മനാഭ സ്വാമി ക്ഷേത്രത്തില് ഭക്തിനിര്ഭരമായ സ്വീകരണം ഏറ്റുവാങ്ങിയാണ് Â പഞ്ചലോഹവിഗ്രഹം പൗര്ണമിക്കാവില് എത്തിച്ചത്. മുരുകനേയും വള്ളിയേയും പ്രതിനിധീകരിക്കുന്ന വലിയ പഞ്ചലോഹ നിര്മ്മിത വേലും യാഗശാലയില് പ്രതിഷ്ഠിച്ചിട്ടുണ്ട്. ഇത്രയും വലിയൊരു വേല് കേരളത്തില് ആദ്യമായാണ് ഒരു ക്ഷേത്രത്തില് പ്രതിഷ്ഠിക്കുന്നത്.
Â
ജന്മഭൂമി ഓണ്ലൈന്